BUE 5

Nzueyilɛpiri Ne—Nwa Mɔ Yeɛ Betiele Nyameɛpiri Ɔ? Nwa Mɔ Yeɛ Bandie Ye Ɔ?

Nowa aberɛ sofoɛ ne pẽe yɛle bɔne. Genesis 6:5, NWT

Abɔfoɛ atienuserɛfoɛ bɔ bakakyi sona ne ne mmrasua da

Adam ne Hawa wole mmaa, na sona yɛle pẽe wɔ aseɛ so. Yesi ne, abɔfoɛ ne bie tele atua bɛɛbokale Satan so.

Bɛwale aseɛ he aso bɛɛfale sona anwonaen bedwirale bɛnwo, kyɛ bɔ bɛkɔhora bekogya mmrasua ɔ. Mmrasua ne wole mmaa bɔ bɛte sorongo, né bɛnwo yɛ se, na né bɛte keka.

Brasua bie tira adɔma bɔ abrandeɛ bie bo ye ɔ;Neflimfoɛ, bɔ bɛte Abɔfoɛ atienuserɛfoɛ ne mmamɔ, yɛ basabasa

Aseɛ naso yɛle nnebɔneyɛfoɛ ngome. Bible ne kã kyɛ: “Sona fale bɔne yili aseɛ he aso, na né b’ahone nu nzusuleɛ te bɔne ngome.”

Nowa tiele Nyameɛpiri na ɔyɛle alaka ne. Hebrifoɛ 11:7

Né Nowa te sona páa. Yehowa hã hyirɛle Nowa kyɛ Ɔbaafa nzueyilɛ bie basɛkye abɔnefoɛ.

Nyameɛpiri sa hã hyirɛle Nowa kyɛ ɔyɛ alaka piri bie na ɔfa y’abusua ne ngaka ahoroɛ pẽe hɔ nu.

Nowa bɔ mmenia ne kɔkɔ wɔ Nzueyilɛ bɔ né ɔ́ba nanwo nakoso bɛserele ye

Nowa bɔle mmenia ne kɔkɔ wɔ Nzueyilɛ bɔ né ɔ́ba nanwo, nakoso bandie. Ebiemɔ po serele Nowa; ebie koso pɔle ye.

Nowa ne ye abusua boa ngaka nemɔ noa maa bɛkɔ alaka nanu

Nowa yiele alaka nen, ɔfale ngaka ne hɔle nu.