Má Mmenia Nwu Nahorɛ Bɔ Ɔwɔ Bible Nanu Ne

Mmenia biemɔ wɔ berɛ a, bɛyɛ nningyein bɔ okyire kyɛ bekuro daa ngõa. Yesu hãne kyɛ, sɛ sɔ mmenia nemɔ te nzɛmba ne a, bekonwu ye kyɛ ɛhẽne yeɛ ole nahorɛ ne. (Yoh. 10:​4, 27) Yeti mmerɛ biala bɔ yɛne ebie kodwudwo ne, yɛpena kyɛ yɛkã Bible nu dwirɛ kãa yekyire ye. Yede, sɛ ɛpena kyɛ ɛkã Bible nu dwirɛ kyire ebie a, sɛɛ yeɛ ɛkɔhyɛ yebo ɔ? Ɛkɔhora kobisa ye kyɛ: “Aso ɛse kyɛ. . . ?” anaa “Aso ate ye le kyɛ . . . ?” Afei tworɔnzɛm bɔ ɔwɔ yebo berɛ ne, ɛkɔhora kɔfa enu kõ anaa nyɔ bie, na afa aboka ye maa wate yebo. Sɛ ɛkã Bible nu dwirɛ kãa bie kyire ebie a, ɔtekyɛ bɔ edua nahorɛ ne wɔ y’ahõne nu ɔ, na Yehowa koso kɔmaa nahorɛ ne konyi!—1 Kor. 3:​6, 7.

• Bɔ Okosi Kyẽabie Ɔ

• Abusũa

• Nyameɛ

• Mbaeɛ

• Yesu

• Nyameɛ Ahennie

• Amaneɛnwunɛ

• Ewue

• Nyamesom

BƆ OKOSI KYẼABIE Ɔ

1. 1. Sɛ yɛnea nningyein bɔ osisi, ɔne kyɛbɔ mmenia subaen asɛkye ne a, ɔmaa yenwu kyɛ ɔngɔhyɛ biala ewiase he kɔsɛkye.—Mat. 24:​3, 7, 8; Luka 21:​10, 11; 2 Tim. 3:​1-5.

2. 2. Nyameɛ ngɔsɛkye aseɛ he llé.—Edw. 104:5; Nwo. 1:4.

3. 3. Aseɛ namukoraati kɔyɛ Paradise.—Yes. 35:​1, 2; Nye. 11:18.

4. 4. Ebiala ngɔfokyɛ kõ.—Yes. 33:24; 35:​5, 6.

5. 5. Ɛkɔhora kɔtena aseɛ he aso daa.—Edw. 37:29; Mat. 5:5.

ABUSŨA

1. 6. Odikyɛ brienzua ‘dɔ ɔye kyɛ ye bɔbɔ yenwo.’—Ɛfe. 5:33; Kol. 3:19.

2. 7. Odikyɛ brasua fa anidie ma ohũ.—Ɛfe. 5:33; Kol. 3:18.

3. 8. Odikyɛ brienzua di nahorɛ ma ɔye, na ɔye ne koso yɛ sɔ ala.—Mal. 2:16; Mat. 19:​4-6, 9; Heb. 13:4.

4. 9. Ngwalaa bɔ betie b’awofoɛ, na bedi bɛ ni ne, osi bɛ yé.—Any. 1:​8, 9; Ɛfe. 6:​1-3.

NASA, ESA and the Hubble Heritage Team (STScI/AURA)-ESA/Hubble Collaboration. Licensed under CC BY 4.0. Source.

NYAMEƐ

1. 10. Nyameɛ le dumaa. —Ɛks. 6:3; Ɛks. 34:5.

2. 11. Nyameɛ nate Bible naso dwudwo kyire yɛ.—2 Tim. 3:​16, 17; 2 Pet. 1:​20, 21.

3. 12. Nyameɛ de, ɔnyeye mmenia nu.—Deut. 10:17; Aso. 10:​34, 35.

4. 13. Nyameɛ kuro paa kyɛ ɔboka yɛ.—Edw. 46:1; 145:​18, 19.

MBAEƐ

1. 14. Yɛbɔ mbaeɛ a Nyameɛ tie.—Edw. 62:8; 65:2; 1 Pet. 5:7.

2. 15. Bible ne maa yenwu atẽe bɔ odikyɛ yɛfa so yɛbɔ mbaeɛ ɔ. —Mat. 6:​7-13; Luka 11:​1-4.

3. 16. Odikyɛ yɛbɔ mbaeɛ daa.—Mat. 7:​7, 8; 1 Tɛs. 5:17.

YESU

1. 17. Yesu se ngyerɛkyerɛ tra ebiala, na ye afutue bɔ ɔwɔ Bible nanu ne, ɔboka yɛ ɛnnɛ.—Mat. 6:​14, 15, 34; 7:12.

2. 18. Nningyein bɔ ɔkɔso ɛnnɛ ne, né Yesu alimoa ahã kyɛ okosisi.—Mat. 24:​3, 7, 8, 14; Luka 21:​10, 11.

3. 19. Nyameɛ awa yeɛ ole Yesu. —Mat. 16:16; Yoh. 3:16; 1 Yoh. 4:15.

4. 20. Yesu ne Nyameɛ, bɛtte kõ.—Yoh. 14:28; 1 Kor. 11:3.

Based on NASA/Visible Earth imagery

NYAMEƐ AHENNIE

1. 21. Nyameɛ Ahennie ne te awaen bɔ ɔwɔ anwuro, na ɔnne sona ahõne nu.—Dan. 2:44; 7:​13, 14; Mat. 6: 9, 10; Nye. 11:15.

2. 22. Nyameɛ Ahennie ne kɔsɛkye sona awaen, ná wali aseɛ naso.—Edw. 2:​7-9; Dan. 2:44.

3. 23. Nyameɛ Ahennie ngome twé yeɛ ɔkɔhora kɔye sona haw mukoraati kofi berɛ ɔ.—Edw. 37:​10, 11; 46:9; Yes. 65:​21-23.

AMANEƐNWUNƐ

1. 24. Nna Nyameɛ yeɛ ɔmaa yenwu amaneɛ ɔ.—Deut. 32:4; Yak. 1:13.

2. 25. Satan yeɛ odi ewiase he aso ɔ.—Luka 4:​5, 6; 1 Yoh. 5:19.

3. 26. Nyameɛ nwu ɔhaw bɔ ɛfa nu ne, na ɔpena kyɛ ɔboka wɔ. —Edw. 34:​17-19; Yes. 41:​10, 13.

4. 27. Nyameɛ kɔye amaneɛnwunɛ kofi berɛ ɛlɛsaen ye ala.—Yes. 65:17; Nye. 21:​3, 4.

EWUE

1. 28. Bɛbɔ bawuwu ne, bɛnze hwee, na bɛnyɛ bɛ ayayadeɛ wɔ nekaa biala.—Nwo. 9:5; Yoh. 11:​11-14.

2. 29. Bɛbɔ bawuwu ne, bɛngɔhora ngɔboka yɛ, na bɛngɔhora ngɔyɛ yɛ bɔne.—Edw. 146:4; Nwo. 9:​6, 10.

3. 30. Y’adɔfo bɔ bawuwu ne, bekotingyé bɛ maa bɛkɔwa ngõa nu biekũ.—Yob 14:​13-15; Yoh. 5:​28, 29; Aso. 24:15.

4. 31. “Ewue kofi berɛ.”—Nye. 21:​3, 4; Yes. 25:8.

NYAMESOM

1. 32. Nna sõen biala yeɛ Nyameɛ dé to nu ɔ.—Yer. 7:11; Mat. 7:​13, 14, 21-23.

2. 33. Nyameɛ kyi bɛbɔ bɛyɛ bɛnwo kyɛ bɛsõ ye, nakoso bɛyɛ nningyein bɔ ɔttemayé ne.—Yes. 29:13; Mika 3:11; Mak. 7:​6-8.

3. 34. Ɔdɔ yeɛ ɔmaa yenwu bɛbɔ bɛ sõen sɔ Nyameɛ nye ɔ.—Mika 4:3; Yoh. 13:​34, 35.