Nzu Yeɛ Odi Kyɛ Yɛyɛ Né Y’asɔ Yehowa Nye Ɔ?

Twẽ wɔnwo fi bɔne nwo. 1 Korintofoɛ 6:9, 10

Sɛ yɛdɔ Yehowa a, yɛngɔyɛ bɔ okyi ɔ.

Yehowa mbena kyɛ yewia, yɛbo nzãa anaakyɛ yɛno nnubɔne.

Nyameɛpiri kyi nwonzɛen bɔ betu begua, mmrasua bɔ bɛne mmrasua da, anaa mmienzua bɔ bɛne mmienzua da, ne awuelilɛ. Onguro kyɛ yɛnye kɔboro ebie nikye anaakyɛ yɛkɔhõ.

Ɔnzɛ kyɛ yɛsõ bosoen anaakyɛ yedi ahohonzɛm.

Abɔnefoɛ biala ngɔtena Paradise bɔ ɔba nanu bie.

Yɛ nikyee paa. Mateo 7:12

Sɛ yɛpena kyɛ yɛsɔ Nyameɛpiri nye a, odi kyɛ yesuasua ye.

Da ayemye ali kyire mmenia fa kyire kyɛ ɛdɔ bɛ.

Di naholɛ wɔ nikyee biala nu.

Nwu mmenia anwumvoin na fa bɔne kyɛ.

Kã Yehowa nwo dwirɛ kyire mmenia, na maa benwu y’atẽe.​—Romanfoɛ 10:13-15.