Kyinzu Yeɛ Paradise Kɔwa Ɔ?

Aseɛ he aso haw mukoraati kyire kyɛ ɔngɔhyɛ Nyameɛpiri Ahennie ne kɔwa. Luka 21:10, 11; 2 Timoteo 3:1-5

Bible ne hãne nningyein bɔ osisi ɛnnɛ nanwo dwirɛ tole berɛ. Ɔhãne kyɛ sona kɔyɛ keka, sikanyeboroɛ, awofoɛ so asoserɛ, ɔne bɛbɔ bɛdɔ anigyedeɛ ɔ.

Ɔhãne kyɛ aseɛwosolɛ, kõɛ, ɛhɔen, ɔne anwonyerɛ pẽe kɔwa. Ɛnnɛ̀, nningyein hemɔ mukoraati sisi.

Yesu sa hãne kyɛ bɛkɔhã Ahennie ne nwo nzɛmba wɔ ewiase mukoraati.​—Mateo 24:14.

Ahennie ne kɔye nningyein tɛɛ kofi berɛ. 2 Petro 3:13

Ɔngɔhyɛ Yehowa kɔsɛkye abɔnefoɛ ne mukoraati.

Bɛkɔhwẽ Satan ne y’adaemɔne nemɔ so.

Bɛkole bɛ bɔ betie Nyameɛpiri ne ngoa wɔ ewiase foforɛ nanu, esurolɛ nne berɛ kõ, bɛkɔ dodɔ bɛnwo, na sona konya ebiala nu ahotosoɛ.