5 A yeke nzoni mungo jeûne so anzere na mbi aduti tongaso?

A nzere na mbi ti tene na lango ni so zo* asara vundu?

A nzere na mbi ti tene lo ba li ti lo na sese tongana ngala?

A nzere na mbi ti tene lo lango na ndö ti bongo ti vundu nga na yâ ti mburu ti wâ?

So la ala iri ni mungo jeûne nga na lango so anzere na mbi Jéhovah?

11 Farizien ni aluti na lo to nda ti sambela tongaso na yâ ti bê ti lo: ‘Nzapa, mbi mû singila na mo so mbi yeke tongana tanga ti azo pëpe, so ayeke azo ti mungo ye ti azo na likisi, azo so ayeke mbilimbili pëpe, azo so ayeke gi awali nde, wala même tongana zo ti rongo nginza ti impôt so. 12 Mbi yeke mû jeûne fani use na yâ ti yenga oko. Mbi yeke mû dîme ti aye kue so mbi wara.’+