បណ្ណាល័យអ៊ីនធឺណិតរបស់ប៉មយាម

អ្នកសម្រេចក្ដី ១៤:១៩

គម្ពីរបរិសុទ្ធសេចក្ដីបកប្រែពិភពលោកថ្មី
- ១៩ បន្ទាប់មក ឫទ្ធានុភាពរបស់ព្រះយេហូវ៉ាមានឥទ្ធិពលលើសាំសុន+ ហើយគាត់ចុះទៅក្រុងអាសកាឡូន+ សម្លាប់បុរសក្រុងនោះអស់៣០នាក់ រួចយកសម្លៀកបំពាក់របស់ពួកគេ ទៅឲ្យពួកអ្នកដែលបានដោះប្រស្នារបស់គាត់។+ រួចមក គាត់ក៏ត្រឡប់ទៅផ្ទះឪពុកគាត់វិញទាំងចិត្តក្ដៅក្រហាយជាខ្លាំង។

អ្នកសម្រេចក្ដី ១៥:៧, ៨

គម្ពីរបរិសុទ្ធសេចក្ដីបកប្រែពិភពលោកថ្មី
- ៧ សាំសុននិយាយទៅពួកគេថា៖ «ដោយសារអ្នករាល់គ្នាធ្វើបែបនេះ ខ្ញុំនឹងមិនឈប់ត្រឹមនេះឡើយ ទាល់តែខ្ញុំបានសងសឹកអ្នករាល់គ្នាវិញ»។+ ៨ រួចគាត់សម្លាប់ពួកគេយ៉ាងច្រើនសន្ធឹក។ បន្ទាប់មក គាត់ចុះទៅអាស្រ័យក្នុងរូងថ្មត្រង់ចំណោតភ្នំអេតាម។

អ្នកសម្រេចក្ដី ១៥:១៥, ១៦

គម្ពីរបរិសុទ្ធសេចក្ដីបកប្រែពិភពលោកថ្មី
- ១៥ សាំសុនក្រឡេកទៅឃើញឆ្អឹងថ្គាមមួយរបស់សត្វលាដែលទើបនឹងស្លាប់ រួចគាត់ក៏យកឆ្អឹងថ្គាមនោះមកសម្លាប់ពួកគេអស់១.០០០នាក់។+ ១៦ បន្ទាប់មក សាំសុនពោលថា៖
  
  «ដោយឆ្អឹងថ្គាមសត្វលា ខ្ញុំបានសម្លាប់សត្រូវគរជាគំនរ!
  
  ដោយឆ្អឹងថ្គាមសត្វលា ខ្ញុំសម្លាប់មនុស្សអស់១.០០០នាក់»។+