៦ ប៉ុន្តែ ឥឡូវ​លោក​យេស៊ូ​បាន​ទទួល​កិច្ច​បម្រើ​ដែល​ប្រសើរ​ជាង ពី​ព្រោះ​លោក​ជា​អ្នក​សម្រុះ​សម្រួល+ក្នុង​កិច្ច​ព្រម​ព្រៀង​ដែល​ប្រសើរ​ជាង​កិច្ច​ព្រម​ព្រៀង​មុន+ ហើយ​ដែល​បាន​ត្រូវ​ធ្វើ​ឲ្យ​មាន​សុពលភាព​តាម​ច្បាប់ ដោយ​មាន​មូលដ្ឋាន​លើ​សេចក្ដី​សន្យា​ដែល​ប្រសើរ​ជាង​សេចក្ដី​សន្យា​មុន។+

១៥ ម្ល៉ោះ​ហើយ លោក​ជា​អ្នក​សម្រុះ​សម្រួល​កិច្ច​ព្រម​ព្រៀង​ថ្មី+ ដើម្បី​ឲ្យ​ពួក​អ្នក​ដែល​បាន​ត្រូវ​ហៅ អាច​ទទួល​សេចក្ដី​សន្យា​អំពី​មត៌ក​ដែល​ស្ថិត​ស្ថេរ​ជា​រៀង​រហូត។+ ការ​ទាំង​អស់​នេះ​អាច​កើត​ឡើង​បាន​ដោយ​សារ​មរណភាព​របស់​លោក ដើម្បី​លោះ​ពួក​គេ+ពី​ការ​រំលង​ដែល​ពួក​គេ​បាន​ធ្វើ​នៅ​ក្រោម​កិច្ច​ព្រម​ព្រៀង​មុន។