၁၉ ဒါပေမဲ့ ငါ့ရဲ့အားကြီးတဲ့လက်နဲ့ အတင်းအကျပ် မခိုင်းမချင်း အီဂျစ်ဘုရင်က မင်းတို့ကို သွားခွင့်ပြုမှာမဟုတ်မှန်း ငါကောင်းကောင်းသိတယ်။+ ၂၀ ဒါကြောင့် ငါလက်ဆန့်ပြီး အီဂျစ်ပြည်ကို ထူးဆန်းအံ့ဩဖွယ် လုပ်ရပ်တွေနဲ့ ဒဏ်ခတ်မယ်။ အဲဒီတော့မှ မင်းတို့ကို သူ လွှတ်ပေးမယ်။+

၆ ယေဟောဝါက “ဖာရောကို ငါဘာလုပ်မယ်ဆိုတာ မင်း အခုတွေ့ရလိမ့်မယ်။+ ငါ့ရဲ့အားကြီးတဲ့လက်နဲ့ အစ္စရေးတွေကို လွှတ်ပေးအောင် လုပ်မယ်။ ငါ့ရဲ့အားကြီးတဲ့လက်ကြောင့် ဖာရောက သူတို့ကို တိုင်းပြည်ကနေ ထွက်သွားခိုင်းလိမ့်မယ်”+ ဆိုပြီး မောရှေကို ပြောတယ်။

၈ ဒါကြောင့် ဖာရောက မောရှေနဲ့အာရုန်ကို ပြန်ခေါ်ပြီး “မင်းတို့ရဲ့ဘုရား ယေဟောဝါကို ဝတ်ပြုဖို့ သွားကြ။ ဒါနဲ့၊ ဘယ်သူတွေ သွားကြမှာလဲ” လို့မေးတယ်။ ၉ မောရှေက “ယေဟောဝါဘုရားအတွက် ပွဲတော်ကျင်းပမှာဖြစ်လို့+ လူကြီးလူငယ်၊ သားသမီး၊ သိုးနွားတိရစ္ဆာန်အားလုံး သွားမှဖြစ်မယ်”+ လို့ပြောတော့၊ ၁၀ ဖာရောက “မင်းတို့ကိုရော ကလေးတွေကိုပါ လွှတ်ပေးမှ ယေဟောဝါက မင်းတို့နဲ့အတူ ရှိမတဲ့လား။+ မဖြစ်နိုင်ဘူး။ မင်းတို့မှာမကောင်းတဲ့အကြံရှိနေမှန်း အသိသာကြီး။ ၁၁ ယေဟောဝါကို ဝတ်ပြုချင်တယ်ဆိုရင်လည်း ယောက်ျားတွေပဲ သွားကြ။ မင်းတို့ အဲဒီလိုပဲ တောင်းဆိုခဲ့တာ မဟုတ်လား” ဆိုပြီး သူတို့ကို မောင်းထုတ်တယ်။