၂၅ “ခင်ဗျားတို့ အဲဒီပြည်မှာ သားမြေးတွေရလာပြီး အနေကြာလာတဲ့အခါ ဖောက်ပြန်လာမယ်၊ ရုပ်တုတွေ လုပ်မယ်၊+ ယေဟောဝါဘုရားရှေ့မှာ မကောင်းမှုလုပ်ပြီး အမျက်ထွက်စေမယ်ဆိုရင်၊+ ၂၆ ကောင်းကင်နဲ့ မြေကြီးကို သက်သေထားပြီး ကျွန်တော်ပြောမယ်– ခင်ဗျားတို့ဟာ ဂျော်ဒန်မြစ်ကို ကူးပြီး သိမ်းပိုက်ရတော့မယ့်ပြည်မှာ အမြန်ဆုံး ပျက်စီးသွားမယ်။ ကြာရှည်မနေရဘဲ အစတုံး ဖျက်ဆီးခံရမယ်။+

၁၇ “ဒါပေမဲ့ ခင်ဗျားတို့ စိတ်နှလုံးလမ်းလွဲသွားပြီး+ နားမထောင်ဘူး၊ သွေးဆောင်ခံရပြီး တခြားဘုရားတွေကို ဦးချဝတ်ပြုမယ်ဆိုရင်တော့၊+ ၁၈ မလွဲမသွေ ပျက်စီးရမယ်ဆိုတာ ကျွန်တော် အခုသတိပေးတယ်။+ ဂျော်ဒန်မြစ်ကို ဖြတ်ကူးပြီး အပိုင်ရမယ့်ပြည်မှာ အသက်ရှည်ရှည် နေရမှာ မဟုတ်ဘူး။

၁၂ “ဘုရားသခင်ကို  ကျောခိုင်းမယ်၊ ကျန်နေသေးတဲ့ လူမျိုးတွေကို+ တွယ်တာနေမယ်၊ သူတို့နဲ့ ထိမ်းမြားပေးစားမယ်၊+ မိတ်ဖွဲ့ပေါင်းသင်းမယ်ဆိုရင်တော့၊ ၁၃ အဲဒီလူမျိုးတွေကို ယေဟောဝါဘုရား ဆက်ပြီးမောင်းထုတ်ပေးမှာ မဟုတ်ဘူးဆိုတာ သိထားကြပါ။+ အဲဒီလူမျိုးတွေက ထောင်ချောက်လို၊ ကျော့ကွင်းလို၊ နံစောင်းကိုရိုက်တဲ့ ကျာပွတ်လို၊+ မျက်စိကိုစူးတဲ့ ဆူးတွေလို ဖြစ်လာမယ်။ ဒီလိုနဲ့ ခင်ဗျားတို့ဟာ ယေဟောဝါဘုရားပေးတဲ့ ဒီသာယာလှပတဲ့ ပြည်မှာ လုံးဝပျက်စီးသွားမယ်။