၇ နောက်ဆုံး၊ ရှောလုက “နတ်ကတော်တစ်ယောက်ကို ရှာကြ။+ သူ့ကို ငါသွားမေးမယ်” လို့ အမိန့်ပေးတဲ့အခါ မင်းမှုထမ်းတွေက “အင်ဒေါရမြို့မှာ+ နတ်ကတော်တစ်ယောက် ရှိပါတယ်” လို့ဖြေကြတယ်။

၈ ဒါနဲ့ ရှောလုက ရုပ်ဖျက်ပြီး အဝတ်အစားလဲလိုက်တယ်။ သူ့လူနှစ်ယောက်ကို ခေါ်ပြီး အဲဒီမိန်းမဆီ ညအချိန်မှာ သွားကြတယ်။ အဲဒီကိုရောက်တဲ့အခါ “ခင်ဗျားက နတ်ကတော်ဆိုတော့+ ကျွန်တော်ပြောတဲ့လူကို ခင်ဗျားရဲ့ပညာနဲ့ ခေါ်ပေးပါ” လို့ပြောတယ်။ ၉ အဲဒီမိန်းမကလည်း “နတ်ကတော်တွေ၊ ဗေဒင်ဆရာတွေကို တိုင်းပြည်ကနေ ရှောလုမင်း ဖယ်ရှားခဲ့တာ ရှင်သိမှာပါ။+ ကျွန်မ အသတ်ခံရအောင် ဘာလို့ ထောင်ချောက်ဆင်နေတာလဲ”+ လို့ပြောတော့၊ ၁၀ ရှောလုက “အသက်ရှင်နေတဲ့ဘုရား ယေဟောဝါကို တိုင်တည်ပြီး ကျွန်တော်ပြောမယ်။ ဒီကိစ္စကြောင့် ခင်ဗျား အပြစ်မသင့်စေရဘူး” ဆိုပြီး ချက်ချင်းပဲ ယေဟောဝါကို တိုင်တည်ပြီး သစ္စာဆိုပြတယ်။ ၁၁ ဒါနဲ့ မိန်းမက “ဘယ်သူ့ကို ခေါ်ပေးရမလဲ” လို့မေးတဲ့အခါ ရှောလုက “ရှမွေလကို ခေါ်ပေးပါ” လို့ပြောတယ်။