၁၂ ဧလိရဲ့သားတွေကတော့ ဆိုးညစ်သူတွေ၊+ ယေဟောဝါကို မလေးစားသူတွေပဲ။ ၁၃ သူတို့က လူတွေဆီကနေ ပုရောဟိတ်တွေ ရပိုင်ခွင့်ရှိတဲ့ဝေစုကို+ ဘယ်လိုလုပ်ကြသလဲဆိုတော့ တစ်ယောက်ယောက် ပေးလှူတဲ့ ယဇ်ကောင်ရဲ့အသားကို ပြုတ်နေတုန်းမှာပဲ သူတို့ရဲ့နောက်လိုက်က သုံးခွခက်ရင်းကိုင်ပြီး ရောက်လာတတ်တယ်။ ၁၄ အိုးတွေထဲမှာ ထည့်ပြုတ်ထားတဲ့ အသားတုံးကို ခက်ရင်းနဲ့ထိုးပြီး ပါလာသမျှကို ပုရောဟိတ်အတွက် ယူသွားတတ်တယ်။ ရှိလောမြို့ကိုလာတဲ့ အစ္စရေးတွေကို အဲဒီလိုပဲ လုပ်လေ့ရှိတယ်။ ၁၅ ဒါ့အပြင် ပူဇော်သူက အဆီတွေ မီးမရှို့ရသေးခင်မှာ+ ပုရောဟိတ်ရဲ့ နောက်လိုက် ရောက်လာပြီး “ပုရောဟိတ်အတွက် အသားကင်ပေးချင်လို့ အသားစိမ်းတွေ ပေးစမ်း။ ပြုတ်ပြီးသား မလိုချင်ဘူး” ဆိုပြီး ပြောတတ်တယ်။ ၁၆ ပူဇော်သူက “အဆီတွေကို အရင်ဆုံး မီးရှို့လိုက်ဦးမယ်။+ ပြီးမှ ခင်ဗျားတို့ စားချင်တဲ့အပိုင်းကို ယူသွားပါ” လို့ပြောတဲ့အခါ “မရဘူး။ အခုချက်ချင်းပေး။ မပေးရင် လုမှာပဲ” ဆိုပြီး ပြောတတ်တယ်။ ၁၇ ဒါကြောင့် အဲဒီနောက်လိုက်တွေက ယေဟောဝါရှေ့မှာ အပြစ်ကြီးလွန်းတယ်။+ ယေဟောဝါဆီ ပူဇော်မယ့် အလှူတွေကို သူတို့ မလေးမစား လုပ်ကြတယ်။