-
၂ ရာဇဝင်ချုပ် ၁၄:၂-၅သမ္မာကျမ်းစာ ကမ္ဘာသစ်ဘာသာပြန်ကျမ်း
-
-
၂ အာသက ယေဟောဝါဘုရားရှေ့မှာ ကောင်းမွန်မှန်ကန်ရာကို လုပ်တယ်။ ၃ တိုင်းတစ်ပါးဘုရားတွေရဲ့ ပူဇော်ရာပလ္လင်တွေနဲ့+ အထွတ်အမြတ်နေရာတွေကို ဖယ်ရှားပစ်တယ်။ ကိုးကွယ်ရာကျောက်တိုင်တွေကို ဖြိုဖျက်ပြီး+ ကိုးကွယ်ရာသစ်တိုင်တွေကို* ခုတ်လှဲပစ်တယ်။+ ၄ ဒါ့အပြင် ဘိုးဘေးတို့ရဲ့ဘုရား ယေဟောဝါကိုရှာဖို့၊ ပညတ်တရားနဲ့ မိန့်မှာချက်ကို လိုက်နာဖို့ ယုဒလူတွေကို တိုက်တွန်းတယ်။ ၅ ယုဒမြို့အားလုံးမှာ အထွတ်အမြတ်နေရာတွေ၊ နံ့သာပေါင်း ပူဇော်ရာစင်တွေကိုလည်း ဖယ်ရှားပစ်တယ်။+ ဒါကြောင့် သူ့လက်ထက်မှာ တိုင်းပြည် ငြိမ်းချမ်းသာယာနေတယ်။
-
-
၂ ရာဇဝင်ချုပ် ၁၄:၁၁သမ္မာကျမ်းစာ ကမ္ဘာသစ်ဘာသာပြန်ကျမ်း
-
-
၁၁ ပြီးတော့ အာသမင်းက “ယေဟောဝါဘုရား၊ ကိုယ်တော်က အင်အားကြီးသူတွေကိုဖြစ်စေ၊ အင်အားနည်းသူတွေကိုဖြစ်စေ ကူညီပေးနိုင်ပါတယ်။+ ကျွန်တော်တို့ရဲ့ဘုရား ယေဟောဝါ၊ ကိုယ်တော့်ကို အားကိုးတဲ့အတွက် ကူညီပေးပါ။+ ဒီလူစုကြီးကိုတိုက်ဖို့ နာမတော်နဲ့ လာခဲ့ပါပြီ။+ ယေဟောဝါဘုရား၊ ကိုယ်တော်ဟာ ကျွန်တော်တို့ရဲ့ ဘုရားသခင်ပါ။ သေမျိုးဖြစ်တဲ့လူက ကိုယ်တော့်ကို အနိုင်မရပါစေနဲ့”+ ဆိုပြီး ယေဟောဝါဘုရားကို ဆုတောင်းတယ်။+
-