• တရားဟောရာ ၆:၁၀-၁၂
    သမ္မာကျမ်းစာ ကမ္ဘာသစ်ဘာသာပြန်ကျမ်း

    • ၁၀ “ယေဟောဝါဘုရားက ခင်ဗျားတို့ကို ပေးမယ်ဆိုပြီး ဘိုးဘေးအာဗြဟံ၊ အိဇက်၊ ယာကုပ်တို့ကို ကျိန်ဆိုခဲ့တဲ့ပြည်ထဲ+ ခေါ်ဆောင်သွားတဲ့အခါ၊ ခင်ဗျားတို့ဟာ ကိုယ်တိုင် မတည်ဆောက်ခဲ့တဲ့ မြို့ကြီးမြို့ကောင်းတွေ၊+ ၁၁ ကိုယ်တိုင်မဖြည့်ဘဲ ကောင်းမွန်ရာအမျိုးမျိုး ပြည့်နေတဲ့အိမ်တွေ၊ ကိုယ်တိုင်မတူးခဲ့တဲ့ ရေလှောင်ကန်တွေ၊ ကိုယ်တိုင် မစိုက်ပျိုးခဲ့တဲ့ စပျစ်ခြံတွေ၊ သံလွင်ပင်တွေရှိတဲ့ပြည်ထဲ ရောက်ပြီး ဝဝလင်လင် စားသောက်ရတဲ့အခါ၊+ ၁၂ ကျွန်ခံရာ အီဂျစ်ပြည်ကနေ ခင်ဗျားတို့ကို ခေါ်ထုတ်လာတဲ့ ယေဟောဝါကို မေ့သွားတဲ့အဖြစ်မျိုး မရောက်ရအောင် သတိပြုပါ။+

  • ပညာအလိမ္မာ ၂၃:၄၊ ၅
    သမ္မာကျမ်းစာ ကမ္ဘာသစ်ဘာသာပြန်ကျမ်း

    •  ၄ စည်းစိမ်ဥစ္စာရဖို့ ရေကုန်ရေခန်း မကြိုးစားနဲ့။+

      ရပ်တန်းကရပ်ပြီး သိနားလည်မှုရှိကြောင်း ပြပါ။

       ၅ စည်းစိမ်ဥစ္စာတွေဟာ မျက်စိ တစ်မှိတ်အတွင်းမှာ ပျောက်သွားတတ်တယ်။+

      လင်းယုန်လို အတောင်တွေပေါက်ပြီး ကောင်းကင်ကို ပျံသွားလိမ့်မယ်။+

  • မဿဲ ၆:၂၄
    သမ္မာကျမ်းစာ ကမ္ဘာသစ်ဘာသာပြန်ကျမ်း

    • ၂၄ “ဘယ်သူမှ သခင်နှစ်ဦးဆီမှာ အစေခံလို့ မရဘူး။ သခင်တစ်ဦးကို မုန်းပြီး နောက်တစ်ဦးကို ချစ်မှာပဲ။+ တစ်ဦးကို သစ္စာရှိပြီး တစ်ဦးကို မထီလေးစား လုပ်မှာပဲ။ ခင်ဗျားတို့လည်း ဘုရားသခင်အတွက်ရော စည်းစိမ်အတွက်ပါ တစ်ပြိုင်တည်း အစေခံလို့ မရဘူး။+

  • ၁ တိမောသေ ၆:၁၇
    သမ္မာကျမ်းစာ ကမ္ဘာသစ်ဘာသာပြန်ကျမ်း

    • ၁၇ လက်ရှိ လောကစနစ်မှာ* ချမ်းသာကြွယ်ဝသူတွေကို စိတ်နေမမြင့်ဖို့၊ မတည်မြဲတဲ့ စည်းစိမ်ကို အားမကိုးဖို့၊+ ငါတို့ခံစားနိုင်အောင် အရာခပ်သိမ်းကို အလျှံပယ်ပေးသနားတဲ့ ဘုရားသခင်ကိုသာ အားကိုးဖို့+ ညွှန်ကြားလိုက်ပါ။