၂၂ ရှောလမုန်မင်းကြီးက “အဒေါနိယအတွက် ရှုနင်မြို့သူ အဘိရှက်ကိုပဲ ဘာကြောင့် တောင်းတာလဲ။ ထီးနန်းကိုပါ တောင်းပါတော့လား။+ သူဟာ ကျွန်တော့်နောင်တော်ပဲ။+ ပုရောဟိတ်အဗျာသာနဲ့ ဇေရုယာရဲ့သား ယွာဘကလည်း+ သူ့ကို ထောက်ခံနေတာပဲ”+ လို့ပြန်ဖြေတယ်။

၂၃ ရှောလမုန်မင်းကြီးက  ယေဟောဝါကို တိုင်တည်ကျိန်ဆိုပြီး “အဒေါနိယ ဒီလိုတောင်းဆိုလိုက်တဲ့အတွက် သူ့အသက်ကို မရင်းလိုက်ရဘူးဆိုရင် ဘုရားသခင်က ငါ့ကို ပြစ်ဒဏ်တစ်ခုပြီးတစ်ခု ပေးပါစေ။ ၂၄ ငါ့ကို ခမည်းတော်ဒါဝိဒ်ရဲ့ထီးနန်း ဆက်ခံစေပြီး ခိုင်ခံ့မြဲမြံစေတဲ့အရှင်၊+ ကတိတော်အတိုင်း ငါ့ရဲ့မင်းအာဏာကို တည်မြဲစေတဲ့အရှင်၊+ အသက်ရှင်နေတဲ့ဘုရား ယေဟောဝါကို တိုင်တည်ပြီး ငါပြောမယ်။ ဒီနေ့ အဒေါနိယ သေရမယ်”+ လို့ပြောတယ်။