၇ ရှောလမုန်က အစ္စရေးနိုင်ငံ တစ်ဝန်းလုံးမှာ ဝန်မင်း ၁၂ ယောက် ခန့်ထားတယ်။ သူတို့က ဘုရင်နဲ့ နန်းတော်သားတွေအတွက် ရိက္ခာဆက်ရတယ်။ တစ်လမှာ ဝန်မင်းတစ်ယောက် အလှည့်ကျ တာဝန်ယူရတယ်။+

၂၂ ရှောလမုန်ရဲ့ နန်းတော်မှာ ပွဲတော်စာအတွက် တစ်နေ့ကို ဂျုံနု ကောရ* ၃၀၊ ရိုးရိုးဂျုံမှုန့် ကောရ ၆၀၊ ၂၃ သမင်၊ ဒရယ်၊ သမင်ငယ်မျိုးနဲ့ ဝဖြိုးတဲ့ဥသြငှက်တွေအပြင် ဆူဖြိုးတဲ့နွား ၁၀ ကောင်၊ စားကျက်ထဲက နွားအကောင် ၂၀၊ သိုးအကောင် ၁၀၀ ကုန်တယ်။

၄ ရှေဘဘုရင်မက ရှောလမုန်ရဲ့ ဉာဏ်ပညာကြီးမားပုံ၊+ တည်ဆောက်ထားတဲ့ နန်းတော်၊+ ၅ ပွဲတော်စာတွေ၊+ မှူးမတ်တွေအတွက် နေရာထိုင်ခင်း စီစဉ်ပုံ၊ ပွဲတော်အမှုထမ်းတွေရဲ့ တည်ခင်းဧည့်ခံပုံနဲ့ ဝတ်စားဆင်ယင်ပုံ၊ ဖလားတော်ဝန်တွေ၊ ယေဟောဝါရဲ့အိမ်တော်မှာ ပုံမှန်ပူဇော်တဲ့ မီးရှို့ရာ ပူဇော်သက္ကာတွေကို မြင်လိုက်ရတဲ့အခါ  ရင်သပ်ရှုမော ဖြစ်သွားတယ်။

၂၁ ရှောလမုန်မင်းကြီးရဲ့ ဖလားအားလုံးဟာ  ရွှေဖလားတွေဖြစ်ပြီး လက်ဘနွန်စံအိမ်+ မှာသုံးတဲ့ အသုံးအဆောင်အားလုံးကိုလည်း ရွှေစင်နဲ့လုပ်ထားတယ်။ ငွေနဲ့လုပ်ထားတာ တစ်ခုမှ မရှိဘူး။ သူ့လက်ထက်မှာ ငွေကို တန်ဖိုးမရှိဘူးလို့ သဘောထားလို့ပဲ။+