ယေဟောဝါကို ဂုဏ်တင်ချီးမွမ်းပါ

၁။ ဘုန်းကြီး ရာဇပလ္လင်တော်အထက်

ကိန်းဝပ်စံမြန်းတဲ့ ဘုရား

အနှိုင်းမဲ့ တန်ခိုး၊ မေတ္တာရှင်ဘုရား

ယေဟောဝါ ပြိုင်ဘက်ကင်းသူပါ

ကျေးဇူး ဘယ်လို ဆပ်လို့ ကုန်မှာလဲ

ဘုရားမေတ္တာ စဉ်းစားမိတိုင်း

တို့က ဘာမို့လို့ ဒီလောက်များ

ကိုယ်တော် ဂရုစိုက်ရတာလဲ

၂။ ကိုယ့်အသက် ဘုရားပဲ ပိုင်ပါတယ်

လုပ်သမျှ ကိုယ်တော့်ဘုန်းအတွက်ပဲ

ကောင်းမြတ်မှုအကြောင်း ကြွေးကြော်ပါမယ်

ဘုန်းကြီးမြတ်မှုအကြောင်း ပြောဆိုမယ်

ယေဟောဝါ အမှုထမ်းဆောင်ခွင့်ရေး

ထူးမြတ်ဂုဏ်၊ တို့ဝမ်းသာမဆုံး

တို့ရဲ့ ခွန်အား၊ ကျောက်ဆောင်ဘုရား

ထာဝစဉ် လမ်းပြဖေးကူပါ

၃။ အောက်အရပ် ချိုင့်ဝှမ်း၊ သမုဒ္ဒရာ ပင်လယ်

ထက်အရပ် နေ၊ လနဲ့ ကြယ်များ

အံ့ဩမှင်တက် လက်ရာတော်များ

အနှိုင်းမဲ့ မေတ္တာ တို့အတွက် အထင်အရှား

ခမ်းနား၊ ခံ့ညားလိုက်တဲ့ အလှတရား

ကြည့်တိုင်းယဉ် ရှုမဝပါပဲ

ကြီးမားဉာဏ်စွမ်း လက်ရာတွေအတွက်

ကိုယ်တော်ကိုပဲ ချီးမွမ်းပါတယ်