ကျမ်းစာက သင့်ဘဝကို တိုးတက်ကောင်းမွန်စေနိုင်သလား

လူတိုင်းမှာ ဘဝနဲ့ပတ်သက်တဲ့ မေးခွန်းတွေ ရှိကြတယ်။ ကျွန်တော်တို့ ဘာကြောင့် အသက်ရှင်နေကြသလဲ။ လူတွေ ဘာကြောင့် ဆင်းရဲဒုက္ခ ရောက်ရသလဲ။ လူသေရင် ဘာဖြစ်သွားသလဲ။ အနာဂတ်မှာ ဘာဖြစ်လာမလဲ။ ဒီမေးခွန်းတွေရဲ့ အဖြေကို လူတိုင်းလိုလို သိချင်ကြတယ်။ စားဝတ်နေရေး၊ မိသားစု ပျော်ရွှင်ရေးအတွက်လည်း နေ့တိုင်း စိတ်ပူနေကြတယ်။ လူများစွာဟာ အဲဒီမေးခွန်းတွေရဲ့ အဖြေကိုသာမက နေ့စဉ်ဘဝအတွက် လက်တွေ့ကျ အကြံဉာဏ်တွေကိုပါ ကျမ်းစာမှာ ရှာတွေ့ခဲ့ကြပြီ။ ကျမ်းစာကနေ အကျိုးရနိုင်တယ်လို့ ထင်ပါသလား။

၁။ ကျမ်းစာထဲမှာ ဘယ်မေးခွန်းတွေရဲ့ အဖြေ ပါသလဲ။

ကျမ်းစာမှာ ဒီအရေးကြီး မေးခွန်းတွေရဲ့ အဖြေ ပါတယ်။ သက်ရှိတွေ ဘယ်လို အစပြုခဲ့သလဲ။ ဘဝရည်ရွယ်ချက်ဟာ ဘာလဲ။ လူတွေ ဘာကြောင့် ဒုက္ခရောက်ရသလဲ။ လူသေရင် ဘာဖြစ်သွားသလဲ။ လူတိုင်း ငြိမ်းချမ်းရေး လိုလားပေမဲ့ စစ်ပွဲတွေ ဘာကြောင့် ဒီလောက် များရသလဲ။ အနာဂတ်မှာ ကမ္ဘာကြီး ဘာဖြစ်သွားမလဲ။ ဒီမေးခွန်းတွေကို အဖြေရှာဖို့ ကျမ်းစာ အားပေးထားပါတယ်။ ကျမ်းစာအဖြေကြောင့် လူများစွာ စိတ်ကျေနပ်မှု ရခဲ့ကြတယ်။

၂။ နေ့စဉ်ဘဝမှာ ပျော်ရွှင်ဖို့ ကျမ်းစာက ဘယ်လို ကူညီပေးနိုင်သလဲ။

ကျမ်းစာမှာ အကြံဉာဏ်ကောင်းတွေ ပါတယ်။ ဥပမာ၊ မိသားစု ပျော်ရွှင်အောင် ဘာလုပ်ရမလဲ။ စိတ်ဓာတ်ကျလာရင် ဘာလုပ်ရမလဲ။ အလုပ်မှာ ပျော်အောင် ဘာလုပ်ရမလဲ။ ဒီအကြောင်းတွေနဲ့ပတ်သက်တဲ့ ကျမ်းစာအဖြေကို သိလာပါလိမ့်မယ်။ အတူလေ့လာရင်း သိလာမယ့်အကြောင်းတွေလည်း ရှိသေးတယ်။ “ကျမ်းစောင်အားလုံး [ကျမ်းစာမှာ ဖော်ပြထားသမျှ] ဟာ . . . အကျိုးဖြစ်ထွန်းစေတယ်” ဆိုတဲ့ ကျမ်းစကားကို လက်ခံလာပါလိမ့်မယ်။—၂ တိမောသေ ၃:၁၆။

ရှာဖွေလေ တွေ့ရှိလေ

ကျမ်းစာက ဘဝကို တိုးတက်ကောင်းမွန်စေပုံ၊ ကျမ်းစာဖတ်ရတာ ပျော်လာနိုင်ပုံ၊ ကျမ်းစာကို နားလည်နိုင်အောင် အကူအညီ ယူသင့်ပုံတို့ကို လေ့လာကြည့်ပါ။

၃။ ကျမ်းစာက ကျွန်တော်တို့ကို လမ်းညွှန်ပေးနိုင်

ကျမ်းစာဟာ လက်နှိပ်ဓာတ်မီးနဲ့ တူတယ်။ ဆုံးဖြတ်ချက်ကောင်းတွေ ချနိုင်အောင်၊ အနာဂတ်ကို မြင်နိုင်အောင် လမ်းပြပေးနိုင်တယ်။

ဆာလံ ၁၁၉:၁၀၅ ကိုဖတ်ပါ။ ပြီးတဲ့နောက် ဒီမေးခွန်းတွေကို ဆွေးနွေးပါ။

• ဒီဆာလံကျမ်းကို ရေးတဲ့သူက ကျမ်းစာကို ဘယ်လို သဘောထားသလဲ။

• သင်ကော ကျမ်းစာကို ဘယ်လို သဘောထားသလဲ။

၄။ ကျမ်းစာက ကျွန်တော်တို့ရဲ့ မေးခွန်းတွေကို အဖြေပေးနိုင်

ဗီဒီယို။ မျှော်လင့်ချက်ကို ဘယ်တော့မှ မစွန့်လွှတ်နဲ့ (၁:၄၈)

• ဗီဒီယိုထဲက အမျိုးသမီးမှာ ဘယ်မေးခွန်းတွေ ရှိနေသလဲ။

• ကျမ်းစာလေ့လာတာက သူ့အတွက် ဘယ်လို အကူအညီ ဖြစ်စေသလဲ။

မေးခွန်းတွေ မေးဖို့ ကျမ်းစာ အားပေးတယ်။ မဿဲ ၇:၇ ကို ဖတ်ပါ။ ပြီးတဲ့နောက် ဒီမေးခွန်းကို ဆွေးနွေးပါ။

• ကျမ်းစာကနေ အဖြေရှာကြည့်ချင်တဲ့ ဘယ်မေးခွန်းတွေ သင့်မှာ ရှိသလဲ။

၅။ ကျမ်းစာဖတ်ရတာ ပျော်စရာကောင်းလာနိုင်

ဗီဒီယို။ ဘုရားတရားစကားကို ကိုယ်ပိုင်ဘာသာစကားနဲ့ နားလည်ခွင့်ရ (၅:၁၅)

• ဗီဒီယိုထဲက ဒီမစ်ထရိုဟာ ကျမ်းစာကို လက်သင်္ကေတပြဘာသာစကားနဲ့ နားလည်ခွင့်ရတဲ့အခါ ဘယ်လိုခံစားရသလဲ။

• ကျမ်းစာ ဖတ်ရှုခြင်းမှ သူနဲ့သူ့မိသားစု ဘယ်လိုအကျိုးခံစားရသလဲ။

ကျမ်းစာမှာပါတဲ့ လမ်းညွှန်ချက်တွေက ကျွန်တော်တို့ကို နှစ်သိမ့်ပေးနိုင်တယ်။ မျှော်လင့်ချက် ရှိစေတယ်။ ရောမ ၁၅:၄ ကို ဖတ်ပါ။ ပြီးတဲ့နောက် ဒီမေးခွန်းကို ဆွေးနွေးပါ။

• နှစ်သိမ့်မှုပေးပြီး မျှော်လင့်ချက် ရှိစေတဲ့ ကျမ်းစာကတိကို စိတ်ဝင်စားပါသလား။

၆။ ကျမ်းစာကို နားလည်ဖို့ တခြားသူတွေ ကူညီပေးနိုင်

ကျမ်းစာကို တစ်ယောက်တည်း ဖတ်ရုံမက တခြားသူတွေနဲ့ ဆွေးနွေးတာကလည်း အကူအညီ ဖြစ်စေမှန်း လူများစွာ တွေ့ရှိခဲ့ကြတယ်။ တမန်တော် ၈:၂၆-၃၁ ကို ဖတ်ပါ။ ပြီးတဲ့နောက် ဒီမေးခွန်းကို ဆွေးနွေးပါ။

• ကျမ်းစာကို ဘယ်လို နားလည်နိုင်မလဲ။—အခန်းငယ် ၃၀၊ ၃၁ ကို ကြည့်ပါ။

အနှစ်ချုပ်

ကျမ်းစာမှာ နေ့စဉ်ဘဝအတွက် အကြံဉာဏ်တွေ၊ အရေးကြီး မေးခွန်းတွေရဲ့ အဖြေ ပါတယ်။ လူတွေကို နှစ်သိမ့်မှု ပေးပြီး မျှော်လင့်ချက် ရှိစေတယ်။

ပြန်လည်သုံးသပ်ခြင်း

• ကျမ်းစာမှာ ဘာအကြံဉာဏ်တွေ တွေ့နိုင်သလဲ။

• ကျမ်းစာမှာ ဘယ်မေးခွန်းတွေရဲ့ အဖြေ ပါသလဲ။

• ကျမ်းစာထဲက ဘယ်အကြောင်းကို လေ့လာချင်ပါသလဲ။

လေ့လာစရာ ထပ်ဖွေရှာ

ပြောဆိုဆက်သွယ်ဖို့ ခက်ခဲနေတဲ့ နားမကြားအမျိုးသားကို ကျမ်းစာက ဘယ်လို ကူညီပေးခဲ့သလဲဆိုတာ လေ့လာကြည့်ပါ။

“မြင်ပေမဲ့ နားမလည်” (ကင်းမျှော်စင် မတ် ၁၊ ၂၀၁၃)

ကမ္ဘာကြီးကို အမှန်တကယ် အုပ်ချုပ်နေသူနဲ့ပတ်သက်တဲ့ လူတွေရဲ့ ယူဆချက် မှားနေတယ်။ ကျမ်းစာအဆိုကို လေ့လာကြည့်ပါ။

ကျမ်းစာကို ဘာကြောင့် လေ့လာသင့်သလဲ—ဗီဒီယိုအရှည် (၃:၃၉)