• Zab. 18:31-42
    Bibiliya y’Ubuhinduzi bw’Isi Nshya

    • 31 Yehova nta yindi Mana imeze nkawe.+

      Mana ni wowe gitare cyacu.+

      32 Mana y’ukuri ni wowe umpa imbaraga,+

      Kandi ni wowe uzantunganyiriza inzira nyuramo.+

      33 Utuma nsimbuka nk’imparakazi,

      Kandi ni wowe utuma nkomeza guhagarara ahantu harehare hacuramye cyane.+

      34 Ni wowe unyigisha kurwana.

      Amaboko yanjye ashobora kugonda umuheto w’umuringa.

      35 Unkiza ukoresheje ingabo yawe,+

      Kandi ukuboko kwawe kw’iburyo kuranshyigikira.

      Kuba wicisha bugufi ni byo bituma mba umuntu ukomeye.+

      36 Aho nyura wahagize hagari.

      Ibirenge byanjye ntibizanyerera.+

      37 Nzakurikira abanzi banjye mbafate,

      Kandi sinzagaruka ntabamazeho.

      38 Nzabamenagura ku buryo batazashobora guhaguruka.+

      Nzabatsinda.

      39 Uzampa imbaraga kugira ngo njye ku rugamba.

      Abanzi banjye uzabatsinda.+

      40 Uzatuma abanzi banjye bampunga.

      Nzamaraho* abanyanga bose.+

      41 Baratabaza ariko nta wo kubakiza uhari.

      Yehova, n’iyo bagutabaje ntubasubiza.

      42 Nzabahonda banoge bamere nk’umukungugu utumurwa n’umuyaga.

      Nzabajugunya nk’ibyondo byo mu muhanda.