15 Muzamare iminsi irindwi murya imigati itarimo umusemburo.+ Ku munsi wa mbere, muzakure umusemburo mu mazu yanyu kuko umuntu wese uzarya ikintu kirimo umusemburo guhera ku munsi wa mbere kugeza ku munsi wa karindwi, uwo muntu azicwa agakurwa muri Isirayeli.

6 “‘Itariki ya 15 y’uko kwezi, muzizihirize Yehova Umunsi Mukuru w’Imigati Itarimo Umusemburo.+ Muzamare iminsi irindwi murya imigati itarimo umusemburo.+

3 Ntimukagire ikintu cyose kirimo umusemburo murisha icyo gitambo.+ Mu gihe cy’iminsi irindwi muzajye murya imigati itarimo umusemburo, ari yo migati y’umubabaro, kuko mwavuye mu gihugu cya Egiputa vuba vuba.+ Mujye mubigenza mutyo, mwibuka umunsi mwaviriye mu gihugu cya Egiputa, mubikore igihe cyose muzaba mukiriho.+

30 Hezekiya atuma ku Bisirayeli bose+ n’Abayuda, ndetse yandikira amabaruwa abo mu muryango wa Efurayimu n’abo mu muryango wa Manase,+ ngo baze mu nzu ya Yehova i Yerusalemu kugira ngo bizihirize Yehova Imana ya Isirayeli Pasika.+

21 Abisirayeli bari i Yerusalemu bamara iminsi irindwi bizihiza Umunsi Mukuru w’Imigati Itarimo Umusemburo,+ bishimye cyane.+ Buri munsi Abalewi n’abatambyi basingizaga Yehova bakoresheje ibyuma by’umuziki bivuga cyane, bashima Yehova.+