11 Ahantu Yehova Imana yanyu azatoranya kugira ngo hitirirwe izina rye,+ ni ho muzajya mujyana ibyo mbategeka byose, ni ukuvuga ibitambo byanyu bitwikwa n’umuriro, ibindi bitambo byanyu, ibya cumi byanyu,+ amaturo yanyu n’ibyo muzatoranya byose ngo mubitange bibe ituro ryo gukora ibintu byose muzasezeranya Yehova.

22 Hanyuma Dawidi aravuga ati: “Aha ni ho hazaba inzu ya Yehova Imana y’ukuri n’igicaniro cyo gutambiraho ibitambo bitwikwa n’umuriro muri Isirayeli.”+

8 Asa akimara kumva ayo magambo n’ibyo Odedi yahanuye, agira ubutwari akura ibigirwamana biteye iseseme byose mu ntara y’u Buyuda+ no mu y’abakomoka kuri Benyamini, no mu mijyi yose yari yarafashe yo mu karere k’imisozi miremire ya Efurayimu kandi asana igicaniro cya Yehova cyari imbere y’ibaraza ry’inzu ya Yehova.+ 9 Ateranyiriza hamwe Abayuda bose n’abo mu muryango wa Benyamini n’abanyamahanga bari kumwe na bo, baturutse mu karere k’abakomoka kuri Efurayimu, kuri Manase no kuri Simeyoni,+ kuko bari baravuye muri Isirayeli bakamuhungiraho ari benshi cyane, igihe babonaga ko Yehova Imana ye ari kumwe na we.

10 Nuko izo ntumwa zikomeza kugenda, zizenguruka igihugu cya Efurayimu, icya Manase+ ndetse n’icya Zabuloni, zikava mu mujyi umwe zikajya mu wundi. Icyakora abantu bakomeje kuziseka kandi bakazimwaza.+ 11 Ariko abantu bamwe bo mu muryango wa Asheri, uwa Manase n’uwa Zabuloni, ni bo bicishije bugufi baza i Yerusalemu.+