Salamo

9 Ieova e, ou te faaneenee atu iā te oe ma loʻu lotoatoa;+

Ou te faalauiloa atu foʻi au galuega ofoofogia uma.+

 2 Ou te olioli ma ou fiafia iā te oe,+

Le Silisili Ese e, ou te usuina viiga i lou suafa.+

 3 Ina ua toe foʻi oʻu fili,+

E tautevateva i latou ma fano ai i ou luma.+

 4 Auā ua e faia loʻu faamasinoga ma laʻu finauga;+

Ua e tiʻetiʻe i le nofoālii e faamasinotonu ai.+

 5 Ua e aʻoaʻia nuu,+ ma ua e faaumatia lē e amioleaga.+

Ua e soloiesea foʻi o latou igoa i aso uma lava, e oo lava i le faavavau.+

 6 O oe le fili e, ua faaumatia e faavavau ou faatafunaga,+

Ma aai na e liaʻieseina.+

E lē toe taʻutaʻua lava i latou.+

 7 A o Ieova, e afio o ia i lona nofoālii e faavavau,+

E matuā faatumauina lona nofoālii mo le faamasinoga.+

 8 E na te faamasinoina le lalolagi i le amiotonu;+

E na te faamasinoina ma le tonu finauga a atunuu eseese.+

 9 E avea Ieova ma mauga e sulufaʻi i ai so o se tasi ua nutimomoia,+

O le mauga e sulufaʻi i ai i taimi o puapuaga.+

10 E faatuatua iā te oe o ē e iloa lou suafa,+

Ieova e, e te lē tuua lava o ē o loo saʻili iā te oe.+

11 O outou le nuu e, ia outou faia pesega iā Ieova o lē o loo afio i Siona;+

Ia taʻu atu i tagata ana galuega.+

12 E na te manatuaina pea i latou+ a o ia saʻilia o ē e faamasaatoto;+

E lē faagaloina lava e ia le alaga a ē ua puapuagatia.+

13 Ieova e, ia e agalelei mai iā te aʻu; ia e silasila mai foʻi i loʻu tigā ona o i latou o ē e ita mai iā te aʻu,+

O oe lava ua e ave aʻe iā te aʻu mai i faitotoʻa o le oti,+

14 Ina ia ou faalauiloaina atu au galuega e viia ai+

I faitotoʻa+ o le tama fafine a Siona,+

Ina ia ou olioli ai i lau faaolataga.+

15 Ua gogoto ifo nuu i le lua na latou faia;+

Ua puʻea foʻi o latou vae+ i le upega+ na latou natia.

16 Ua iloa Ieova i le faamasinoga ua ia faia.+

Ua maileia+ lē e amioleaga i galuega a ona lava lima.

Ikaiona.* Selā.

17 E toe foʻi tagata amioleaga+ i le Tuugamau,*+

E oo lava i nuu uma ua faagaloina le Atua.+

18 Auā e lē faagaloina pea o lē e mativa,+

E lē fano foʻi e faavavau le faamoemoe o ē e agamalu.+

19 Ieova e, inā e tulaʻi ia! Aua neʻi manumalo tagata.+

Ia faamasinoina foʻi nuu i ou luma.+

20 Ieova e, ia e faamatataʻu iā i latou,+

Ina ia iloa ai e nuu o tagata faatauvaa lava i latou.+ Selā.