Salamo

30 Ieova e, ou te faasilisiliina lava oe, auā ua e faaeaina aʻu+

Ma ua e lē tuuina foʻi oʻu fili e olioli ona o aʻu.+

 3 Ieova e, ua e aveina aʻe aʻu mai i le Tuugamau;*+

Ua e faaolaina aʻu ina ia ou lē alu ifo i le lua.+

 4 O outou o ona tagata faamaoni, inā fai ia pesega iā Ieova,+

Ia avatu le faafetai i lana faamanatuga paia;+

 5 Auā e puupuu lava le taimi e toʻasā ai o ia,+

Ae e finagalo malie mai o ia mo le olaga atoa.+

I le pō e tagi ai,+ ae i le taeao e alaga fiafia ai.+

 6 A o aʻu, na ou faapea ifo ma le toʻafilemu:+

“Ou te lē tautevateva lava.”+

 7 Ieova e, o lou finagalo malie mai iā te aʻu, ua e faatumauina ai loʻu mauga i le malosi.+

Ua e natia ou fofoga; ma ua ou atuatuvale ai.+

 8 Ieova e, ou te valaau atu pea iā te oe;+

Ma ou te ʻaiʻoi atu pea iā Ieova ina ia alofa mai.+

 9 O le ā le aogā o loʻu toto pe a ou alu ifo i le lua?+

Pe e faaneenee atu iā te oe le efuefu?+ Pe e na te taʻutaʻu atu lou faamaoni?+

10 Ieova e, inā faafofoga mai ia ma ia e alofa mai iā te aʻu.+

Ieova e, ia fai oe ma oʻu fesoasoani.+

11 Ua e suia loʻu faanoanoa i le siva;+

Ua e tatalaina loʻu ʻie talatala, ma ua e fusia aʻu i le olioli.+

12 Ina ia fai ai e loʻu mamalu pesega iā te oe ma lē mapu ai.+

Ieova e, loʻu Atua, ou te faaneenee atu iā te oe i aso uma.+