Salamo
O le Masekila* a Etano le tagata Esera.+
89 Ou te pese i aso uma lava e uiga i faailoaga o le alofa faamaoni o Ieova.+
E faalauiloa atu foʻi e loʻu gutu lou faamaoni i lea tupulaga ma lea tupulaga.+
2 Auā ua ou faapea ifo: “E tumau pea ona atiina aʻe le alofa faamaoni i aso uma lava;+
A o le lagi, e te matuā faatumauina ai lou faamaoni.”+
4 ‘Ou te matuā faatumauina lau fanau i aso uma lava,+
Ma ou te atiina aʻe foʻi lou nofoālii+ i lea tupulaga ma lea tupulaga.’” Selā.
5 Ieova e, e faaneenee atu le lagi i au galuega mamana,+
Ioe, e faapea foʻi lou faamaoni i le faapotopotoga a le ʻaupaia.
6 Auā o ai ea i le lagi e faatusatusa atu iā Ieova?+
O ai foʻi o atalii o le Atua e tutusa ma Ieova?+
7 E tatau ona mataʻutia le Atua i totonu o le faapotopotoga māfana a le ʻaupaia;+
E sili ma mataʻutia o ia i ē uma o loo siʻosiʻomia o ia.+
10 O oe lava na e tuʻimomomoina Raava,+ e pei o sē ua fasiotia.+
Ua e faataapeape foʻi ou fili i lou aao malosi.+
11 O oe e ona le lagi,+ o oe foʻi e ona le lalolagi;+
O le laueleele foʻi ma mea o tumu ai,+ o oe lava na e faavaeina.+
12 O oe lava na faia le itu i mātū ma le itu i saute;+
Ua alalaga fiafia+ atu foʻi Tapora+ ma Heremoni+ i lou suafa.
14 O le amiotonu ma le faamasinoga, ua faavae ai lou nofoālii;+
Ua i ou luma foʻi le alofa faamaoni ma le faamaoni.+
15 E fiafia le nuu ua iloa le alaga fiafia.+
Ieova e, ua latou savavali pea i le malamalama o ou fofoga.+
17 Auā o oe o le matagofie o lo latou malosi;+
Ona o lou finagalo alofa foʻi ua faaeaina ai lo matou nifo.+
18 Auā ua foaʻi mai e Ieova lo matou talita,+
Ua foaʻi mai foʻi e Lē e Paia o Isaraelu lo matou tupu.+
19 I lea taimi, na e fetalai ai i ou tagata faamaoni i se faaaliga,+
Ma na e fetalai ane:
“Ua ou tuu atu le fesoasoani i lē e malosi;+
Ua ou faaeaina foʻi lē ua filifilia mai i le nuu.+
28 Ou te faatumauina pea loʻu alofa faamaoni iā te ia i aso uma lava,+
E faamaoni foʻi laʻu feagaiga iā te ia.+
29 Ou te faatumauina lava lana fanau e faavavau+
E tumau foʻi lona nofoālii e pei ona tumau o le lagi.+
31 Afai latou te solia aʻu tulafono
Ma latou lē tausia aʻu poloaʻiga,
32 Ona ou liliu atu lea i a latou solitulafono ma le tootoo+
Ma sasa i latou ona o a latou mea sesē.+
37 E matuā faatumauina lona nofoālii i aso uma lava e pei o le masina,
E pei foʻi o se molimau faamaoni i le lagi.” Selā.
39 Ua e teena le feagaiga a lau auauna;
Ua e faaleagaina lona palealii i le lafoina ifo i le eleele.+
43 E lē gata i lea, ua e toe tetee atu iā te ia ma lana pelu,+
Ma e te leʻi tuuina atu o ia e manumalo i le taua.+
45 Ua e faapuupuuina aso o lona talavou;+
Ma ua e fusia o ia i le māsiasi. Selā.
46 Ieova e, o le ā ea le umi e te lafi ai pea? Pe e faavavau ea?+
Pe e faaauau ea ona mumū lou toʻasā e pei o le afi?+
48 O ai se tagata ola e lē vaai i le oti?+
Pe e mafai ona ia saunia se mea e sao ai o ia mai i le lima o le Tuugamau?*+ Selā.
49 Ieova e, o fea ea o iai au galuega o le alofa faamaoni i aso ua mavae,
Ia na e tautō ai iā Tavita i lou faamaoni?+
50 Ieova e, ia e manatua taufaifaiga i au auauna,+
Ua ou tauaveina i loʻu fatafata taufaifaiga a nuu e tele,+
52 Ia vivii atu iā Ieova i aso uma lava. Amene ma Amene.+