149 O outou le nuu e, inā vivii atu ia iā Ioa!+
Ia usu atu iā Ieova se pese fou,+
Ia pepese i lona viiga i le faapotopotoga o ē e faamaoni.+
2 Ia fiafia Isaraelu i Lē e Sili na faia o ia,+
Ia olioli foʻi le fanau a Siona i lo latou Tupu.+
3 Ia latou vivii atu i lona suafa i siva.+
Ia latou fai pesega iā te ia i le topa ma le kitara.+
4 Auā e fiafia Ieova i lona nuu.+
Ua ia faamatagofie foʻi o ē e agamalu i le faaolataga.+
5 Ia olioli o ē e faamaoni i le mamalu;
Ia latou alalaga fiafia atu i o latou moega.+
6 Ia iai i o latou gutu pese e viia ai le Atua,+
Ia iai foʻi i o latou lima le pelu e faatau maʻai ona itu,+
7 Ina ia faia le tauimasui i atunuu,+
Ma ia aʻoaʻia foʻi nuu,+
8 Ina ia noanoatia o latou tupu i filifili+
Ma o latou tagata mamalu i faamau uʻamea,
9 Ina ia faaoo atu iā i latou le iʻuga o le faamasinoga ua tusia.+
Ua i ona tagata faamaoni uma lea mamalu.+
O outou le nuu e, inā vivii atu ia iā Ioa!+