Salamo

25 Ieova e, ou te tuuina atu loʻu ola iā te oe.+

ב [Peta]

 2 Loʻu Atua e, ou te faatuatua atu iā te oe;+

Aua neʻi oʻu māsiasi.

Aua foʻi neʻi olioli oʻu fili ona o aʻu.+

 3 E lē māsiasi foʻi i latou o ē e faamoemoe iā te oe.+

Ae e māsiasi ma lē taulau i latou o ē e faaʻoleʻole.+

 4 Ieova e, ia e faailoa mai iā te aʻu ou ala;+

Ia e aʻoaʻo mai aʻu i ou ala.+

 5 Ia faia aʻu ina ia ou savali i lau upu moni ma aʻoaʻo mai iā te aʻu,+

Auā o oe o le Atua o loʻu faaolataga.+

ו [Vau]

Ou te faamoemoe atu iā te oe i le aso atoa.+

 6 Ieova e, ia e manatua lou alofa mutimutivale+ ma lou alofa faamaoni,+

Auā e mai i le vavau.+

 7 Ieova e, aua e te manatua aʻu agasala ma aʻu solitulafono a o ou talavou.+

Ia e manatua mai aʻu e tusa ma lou alofa faamaoni,+

E tusa foʻi ma lou agalelei.+

 8 E lelei ma amio saʻo Ieova.+

O le mea lea ua ia faatonuina ai o ē e agasala i le ala saʻo.+

 9 E taʻitaʻi e ia o ē e agamalu i iʻuga o ana faamasinoga,+

E aʻoaʻo foʻi e ia o ē e agamalu i lona ala.+

10 E alofa faamaoni ma moni ala uma o Ieova

Iā i latou o ē e tausi i lana feagaiga+ ma ana faamanatuga.+

11 Ieova e, ona o lou suafa,+

Ia e faamagalo mai ai oʻu sesē auā ua matuā tele lava.+

12 O ai ea la le tagata e mataʻu iā Ieova?+

E na te faatonuina o ia i le ala e filifilia e ia.+

13 E nofo o ia i mea lelei,+

E fai foʻi le lalolagi ma tofi+ o lana fanau.

14 E vavalalata iā Ieova i latou o ē e matataʻu iā te ia,+

E na te faailoa atu foʻi lana feagaiga iā i latou.+

15 E faasaga aʻe pea oʻu mata iā Ieova,+

Auā ua ia aveesea oʻu vae mai i le upega.+

16 Ia liliu mai ou fofoga iā te aʻu ma ia e finagalo malie mai;+

Auā ua na o aʻu lava ma ua ou puapuagatia.+

17 Ua tele lava mafatiaga o loʻu loto;+

Ia e aveeseina aʻu mai i mea ou te tigā ai.+

18 Ia e silasila mai i loʻu tigā ma loʻu faafitauli,+

Ma ia e faamagalo mai i aʻu agasala uma.+

19 Tagaʻi foʻi i le toʻatele o oʻu fili,+

Ua latou ʻinoʻino mai iā te aʻu i le ʻinoʻino faasauā.+

20 Ia e leoleo iā te aʻu ma laveaʻi iā te aʻu.+

Ia aua neʻi oʻu māsiasi, auā ua ou sulufaʻi atu iā te oe.+

21 Ia leoleo mai aʻu e le faamaoni ma le amio saʻo,+

Auā ua ou faamoemoe atu iā te oe.+