Salamo

145 Loʻu Atua e, le Tupu, ou te faaeaina lava oe,+

Ou te vivii atu i lou suafa i aso uma lava e oo i le faavavau.+

 2 Ou te vivii atu iā te oe i le aso atoa,+

Ou te vivii atu i lou suafa i aso uma lava e oo i le faavavau.+

 3 E silisili Ieova ma e tatau ona matuā viiviia o ia,+

E lē masuʻesuʻeina foʻi lona silisili ese.+

 4 E faamanū atu lea tupulaga ma lea tupulaga i au galuega,+

E latou te taʻutaʻu atu foʻi au galuega mamana.+

 5 Ou te tautala atu i le matagofie o le viiga o lou mamalu+

Ma au galuega ofoofogia.+

 6 E latou te talanoa e uiga i le malolosi o au mea mataʻutia;+

Ma ou te faalauiloa atu foʻi lou silisili ese.+

 7 E latou te taʻutaʻu atu le tele o lou agalelei,+

Ma e latou te alalaga fiafia foʻi ona o lau amiotonu.+

 8 E alofa fua Ieova ma alofa mutimutivale,+

E telegese lona toʻasā ae e tele lona alofa faamaoni.+

 9 E agalelei Ieova i mea uma lava,+

E alofa mutimutivale foʻi o ia i ana galuega uma.+

10 Ieova e, e faaneenee atu iā te oe au galuega uma,+

E vivii atu foʻi iā te oe ou tagata faamaoni.+

11 E talatalanoa i latou i le mamalu o lou malo,+

Ma taʻutaʻu atu e uiga i lou mana tele,+

12 Ina ia faailoa atu i le fanau a tagata ana galuega mamana+

Ma le matagofie o le mamalu o lona malo.+

13 O lou malo, o le malo e faavavau lea,+

O lau pule e tumau e oo atu i tupulaga uma lava.+

14 E lagolago e Ieova i latou uma ua paʻuʻū,+

Ma faatulaʻi i latou uma ua faanoʻunoʻu.+

15 E tepa aʻe iā te oe mata o mea uma lava ma le faamoemoe,+

Ma ua e avatu a latou meaʻai i le taimi e tatau ai.+

16 Ua e faamafola lou aao+

Ma faamalie le manaʻo o mea ola uma lava.+

17 E amiotonu Ieova i ona ala uma+

Ma e faamaoni i ana galuega uma lava.+

18 E latalata Ieova iā i latou uma e valaau atu iā te ia,+

O i latou uma e valaau atu iā te ia ma le faamaoni.+

19 E faia e ia o mea e mananaʻo ai i latou o ē e matataʻu iā te ia,+

E faafofoga foʻi o ia i a latou alaga, ma ia faaolaina i latou.+

20 E leoleoina e Ieova i latou uma o ē e alolofa iā te ia,+

Ae e na te faaumatia i latou uma o ē e amioleaga.+

21 E tautala atu loʻu gutu i viiga o Ieova;+

Ia vivii atu foʻi tagata uma i lona suafa paia, i aso uma lava e oo i le faavavau.+