Maarqoosi Wongeella

16 Sambatu saihu gedensaanni, Megidelitte Maariyaami, Yaaqoobi ama Maariyaaminna Seloome mare Yesuusi reeshshira buurara suꞌniitanno qimame hidhi. 2 Hakkiinni lamalate umi barra, soodo guto arrishsho lekka abbitanna waammanniwa* dayi. 3 Insa insanaawa, “Waammate afiinni kincho ayi gongoꞌmishe hoolannonke?” yaanni hasaawi. 4 Ikkollana insa gotti yee laꞌꞌanno woyite kinchu lowo geeshsha jawa ikkirono, gongoꞌme hoꞌle nooha afi. 5 Waammate giddora eanno woyite, waajjo uddano uddiꞌre qiniiteenni ofolle nooha mitto wedellicha mancho afe masi. 6 Isino togo yiinsa: “Massinoonte. Haqqaho suntiha Naazireetete Yesuusa hasidhinanni heedhinoonnita afoommo. Isi reyotenni kaino. Kowiicho dino. Laꞌe, iso madaartino dargi kowiichooti. 7 Xa hadhine rosaanosiranna Pheexiroosira togo yiiyye: ‘Isi kiꞌne balaxe Galiila saꞌꞌanno. Balaxe kulinoꞌnente gede hakko laꞌinannisi.’” 8 Konnira insa dhagge assiꞌre, waajje huxiꞌranni waammatewiinni fule xooqi. Lowo geeshsha waajjino daafira mittu manchirano cuqqi curuqqi diyiino.*