XAꞌMO 10
Qullaawu Maxaafi albillitte heeshsho hiittoota ikkitanno yaanno?
“Keeraano uulla ragidhanno; ise aanano hegerera heedhanno.”
Faarso 37:29
“Uulla kayinni hegerera heedhanno.”
Mekibibi 1:4
“Isi reyo hegerera egemmanno; Aliidi Mootichi Yihowa mannu baalunku albinni hindiiddo feyanno.”
Isayyaasi 25:8
“Hatte yannara ballootu ille faꞌnantanno; hattono danqootu macca macciishshitanno. Hatte yannara naafichu bullichi gede kubbanno; danqichu arrawino hagiirrunni faarsanno. Halalli gobbara wayi fule lolahanno, barahahono wayi burqanno.”
Isayyaasi 35:5, 6
“Hindiiddo duucha illensanni feyanno; reyo higgeno diheedhanno; qoleno dadillu, wiꞌla woy xisso higgeno diheedhanno. Albi coyibba saꞌino.”
Ajuuja 21:4
“Mannu minna miꞌnanno, hatte minnarano heeꞌranno; qoleno woyinete haqqe kaasiꞌre gumase itanno. Insa wolu manni heeꞌrara dimintanno, hattono wolu itara dikaassanno. Korkaatuno dagaꞌya diri haqqichote diri gede seedanno; qoleno ani doodhoommo mannira angansa loosinni tashshi yaannonsa.”
Isayyaasi 65:21, 22