Haaro Aliidi Bisi Miila

ROOWETE soodo Arfaasa 24, 2018nni Ameerikahonna Kanaadaho nooti Beeteelete maate mitto hagiirsiisanno egensiishsha yaano Roduu Kenezi Kuuki Yihowa Farciꞌraasinehu Aliidi Bisi miila ikke shoomaminota macciishshitino.

Roduu Kuuki ilame lophinohu Ameerikaho mereeri-wodiidi Pensiliveeniyiraati. Isi halaale rosinohu layinki dirimi roso gudara shiima yanna gatte heedheenna ledosi rosannohuwiinniiti; hakkiinni isi Ella 7, 1980nni cuuamino. Isi Wocawaaro 1, 1982nni woꞌma yanna suwisaancho ikkino. Lame diro suwisaancho ikke soqqami gedensaanni, Birra 12, 1984nni kayise Niwu Yorkete Birukiliini noo Beetelera soqqamanno gede koyinsoonnisi.

Hakkuyi gedensaanni Roduu Kuuki 25 diro Borro Attammanni Kifileranna Beeteelete Biiro yinanni kifilera loosino. Isi 1996nni Jeemi yinanni rodoo adhino; hakkiinni ise ledosi Wolkiili Beeteelera soqqama hanaffino. Sadaasa 2009nni lamunku Paaterseni nooha Agarooshshu Shaeha Rosu Xaawa haꞌrino; hakkiicho roduu Kuuki Sokkate Kifilera soqqama hanafino. Dotteessa 2016nni shiima yanna geeshsha Wolkiili keeshshi gedensaanni Niwu Yorkete Birukiliini soqqama hanafino. Ontu agani gedensaanni insa Niwu Yorkete Worwiiki yinanniwa Yihowa Farciꞌraasineta qara biiro haꞌrino. Arfaasa 2017nni Roduu Kuuki Aliidi Bisite Borrote Komite kaaꞌlaancho ikke soqqamanno gede shoommoonnisi.