Hedeweelcho Hikkiminnu Hasiisannohe Wotira Qixxaawootto?

Mito wote hedeweelcho hikkiminnu hasiisannonke gede assannori tuncu yaankera dandaanno. (Ya. 4:14) Konni daafira, busulu manchi dandaamisi deerrinni balaxe qixxaawanno. (Law. 22:3) Hiittoo xagga adhattoronna ma garinni akkammahera hasiꞌrattoro wossaꞌnootto? Qolteno wossaꞌnoottore borreessite wodhootto? Tennera ate kaaꞌlate qixxeessinoonniti, Mundeete Bayicho Uyinanni Hikkiminna—Aante Aantete Shiqqannota Xiinxallote Filmuwa yinanni DVDra layinki gafira noota, Mundeete Bayicho Uyinanni Hikkiminna—Xiwamaanote Hasattonna Qoosso Agara yinanni viidiyo no. Tenne viidiyo laꞌꞌatto wote aante noo xaꞌmuwara dawaro qolate woꞌnaali. Tini viidiyo oppirishiine assinanna leellishshanno daafira, annuwunna amuwu shiimmaaddu qaaqquullinsa laꞌꞌa hasiissannonsaronna teꞌee wodanchatenni wossana hasiissannonsa.

(1) Akimootu mundee oye akkama lainohunni haaro ikkite assaawa jammartinohu mayiraati? (2) Mundee uyinikki kabbaade oppirishiine assinoonnita leellishannoha sase lawishsha kuli. (3) Alame woꞌmate noori lowo kume ikkitanno akimooti mundee uyitukki akkamate maahoyye yitinohu mayiraati? (4) Muli yannara addi addi hospitaale giddo assinoonni xiinxallo mundee lainohunni maa xawissino? (5) Hikkiminnaho mundee adha fayyimmate aana mayi qarra abbitanno? (6) Mundeete bayicho uyinanni hikkiminni afiꞌrino xiqime lainohunni lowo akime mayitino? (7) Mundeete anje daggannohu mayinniiti? Togoo anje heedhuro ma assa dandiinanni? (8) Xiwamaanchu bisi giddo duume mundeete seele lexxitanno gede assa dandiinannihu hiittoonniiti? (9) Akimootu dartanno wote lowo mundee duꞌnantannokki gede assate hiittoo ogimma horoonsidhanno? (10) Mundeete bayicho uyinanni hikkiminni shiimmaaddu qaaqquullira woyi kabbaade adagi iillinonsarira kaaꞌlanno? (11) Danchu hikkiminnihu qaru amanyootu biddishshi giddo mittu maati?

Tenne viidiyora nooha mito mito hikkiminna adha woyi adha hooga mittu mittunku tiiꞌꞌisinni wossaꞌnannore ikkino daafira, hiikkoye adhattoronna adhattokkiro wossaꞌnate hedeweelchuri iillahe geeshsha agartooti. “Maganu Baxille” yinanni maxaafiti 7⁠^ki fooliishshonna fooliishshote giddo qummi assinoonni borro, hattono Bocaasa 2006⁠nnite Maganu Mangiste Soqqanshonkera noohura ledote qoolira noo assaawe coyi xawe leelleennahe wossaꞌnatto gede kaaꞌlitannohe. Cuuamoottoha ikkiro, doodhootto hikkiminna Hikkiminnu Biddishsha Amaddino Kaardera borreessiꞌri; qoleno hatti kaarde ayewoteno atewiinni baxxitoonke.

[Qoola 5 noota murre haꞌnoonni Assaawe]

Hiittoo xagga adhattoronna ma garinni akkammahera hasiꞌrattoro wossaꞌnootto? Qolteno wossaꞌnoottore borreessite wodhootto?