“Alamete Doyichoha Roduuwu Maamara Baxxe”
Pheexiroosi ayyaanu marraeennasi konni birxichira noo assaawe borreessinohu, lame kume meddi yaanno diri albaanniiti. (1 Phe. 2:17) Heeꞌnoommo yanna isi yiinore albinni roore loosu aana hosiisa hasiissannonkete! Ikkina gobba gosate nooha roduuwu maamara baxa dandiineemmohu hiittoonniiti? Tenne baxillu nookki alame giddo heeꞌne roduuwanke banxoommo gedee heeꞌra dandiineemmohu hiittoonniiti? (Maat. 24:12) Alamete Doyichoha Roduuwu Maamara yinanni viidiyo laꞌine, aante noo xaꞌmuwara dawaro qolate woꞌnaalle.
(1) Alamete doyichohu roduuwu maamari ledo karsammoommohu mamooteeti? (2) Alamete doyichohu roduuwu maamari assannohu sasu coyi hiikkoonneeti? (3) Roduuwinke (a) Alasku halallira, (b) Awuroppaho daddalaano duucha gobbanni dagge dirritannowa, (c) Peeru gobbara xiꞌmu dubbi noo qooxeessira sabbakate maa maa assitino? (4) Sibikatu loosonke wogate geeshshira assinanni coyi gede assine laꞌꞌa hasiissannonkekkihu mayiraati? (5) Yihowa Farciꞌraasine (a) baattote huxano yannara, (b) hambabalatte kaꞌu wotenna, (c) mitte gobbara heeꞌranno manni kuꞌu kuꞌuyi ledo olami wote mimmito sheshifachishshinonna kaaꞌlitino gara xawisanno lawishsha kuli. (6) Baalinke Kiristaanunniha roduuwu maamaranke baxxe leellanno gede assanno akata leellishate maa maa assa dandiineemmo? (Yoh. 13:35) (7) Mangistete Addaraashe mitteenni buusamme minanke mayi xiqime afidhino? (8) Soojjaati Awuroppiranna Ruusiyaho heedhanno roduuwinke, ayyaanaamittete coye assitannota hoollinsa waro kaajjite heeꞌra dandiitinohu hiittoonniiti? (9) Batinyu roduuwi jajjabba gambooshshe haꞌrate maa maa assitanno? Tenne assitannohu mayiraati? (10) Tenne viidiyo laꞌꞌakki (a) Kiristaanu gambooshshiwa roduuwikki ledo gamba yite Yihowa magansiꞌrate, (b) qarrantanno wote woloota kaaꞌlate, (c) tunceenyu baalunkunni sabbakate albinni roore murcidhe kaꞌꞌatto gede jawaachishshinohehu hiittoonniiti? (11) Tenne viidiyo soqqanshonkera mamootenna hiittoonni horoonsiꞌra dandiineemmo?
Kiristaanunnihu roduuwu maamariwa karsammeemmo gede assinonkehu qaru korkaati, Yihowara noonke baxilleeti. Konni daafira isire rosanna isire wolootaho rosiisa hagiirsiissannonke. Qoleno, Yihowa baxannonsa manna banxeemmo. Insa qarrantino yannara kaaꞌlinoommonsa daafira Maganu galatankera diagadhineemmo. Isinni, Kiristaanunniha roduuwu maamara Maganu uyinonkete muxxe elto gede assine laꞌneemmo daafira galanteemmosi. Tini baxillu nookki alame baꞌara kaꞌe noote goofimarchu yannara, alamete doyichoha roduuwu maamara banxoommonte gedee heeꞌno!