“Duucha Hige Marummorono Iso Qaete Diafoommo!”

Umo coyishiishshini yannara hasatto noosi mancho gedensaanni kayinni hatto yitine egentinoonnihu no? Coyishiishshinoonni mancho hasaawisate duucha higgine martinirono wixxinoonni wixira waa hayikkisate martine qaete hoogginoonniha ikkara dandaanno. (1 Qor. 3:6) Temokkiro noonsa halashshaano haammate higge marte qaete hoogguro, dabdaabbe borreessitanno woy shiimare borreessite xullichoho worte hadhanno. Mite halashshaano umo hasaawissanno wote galagalte marturo qaete affannokkiha lawinsaro, silkesi kiiro xaꞌmitanno, miteekkite togo yite xaꞌmitannoha ikkanno; “silketenni sokka sooheni?” Coyishiinshoommo manchira dabdaabbe borreessinummoro, mobayiletenni borreessine sokka sonkummoro, nabbawannore borreessine xullichoho worre haꞌnummoro woy silke dowwolle xaꞌminummoro, galagalle marre hasaawinsoommohu gede assine kiira dandiineemmo. Kuni manchi duucha wote qaete heeꞌrannokkiha ikkiro nafa, togo assinanni hasattosi lexxitanno gede assa dandiineemmo.