Qanchu Soqqanshoha Luphi Yiino Guma

Qullaawu Maxaafi Amaaru afiinni fulinotera lowonta hagiidhitinoonnitinna Yihowa galaxxitinoonniti dihuluullissannote; qoleno hakkuyinku hanaffine hasatto noonsa mannira lowo kumu ikkanno maxaafa eltinoonni. Manna hasaawissine hattono hasatto noonsata laꞌinanni wote roore hagiidhitinanni! Hatto assaꞌne agurtinannikkita dihuluullammeemmo. “Maganu Qaalinni Roseemmo Roso” yaannoha Qullaawu Maxaafira hanafote noo gafa horoonsidhine, leddine lowo manni Qullaawa Maxaafa xiinxalla hanafanno gede assa dandiitinanni! Qoleno lowo geeshsha hagiirsiisinonkehu wolu coyi qara biiro riqiwaanchi Roduu Ritinbaaki dayi wote assinoonniho baxxino gambooshsheeti; konne gambooshshe 80 bayicho heeꞌre 12,121 ikkanno manni macciishshino. Yihowawiinni ronsoommo roso wolootaho kulate qoosso afiꞌranke lowo geeshsha hagiirsiissannonke!