iristaanu Heeshshonna Soqqanshote Xiinxallote Maxaafichora Qummi Assinoonni Borro
ARFAASA 2-8
MAGANU QAALI GIDDO NOOTA MUXXE JIRO | 2 MOOTOOLLA 22-23
“Umonke Heeshshi Assa Hasiissannonkehu Mayiraati?”
w00 9/15 29-30
Iyosiyaasi Umosi Heeshshi Assino Daafira Yihowa Hagiirsiisino
Qullaawa mine gatamaranno manni soodonni kae diinaggaawe loosanni no. Iyosiyaasi, mite busha albi annuwasi huntinoha Maganu mine mannu wirro haaroonsanni noo daafira, Yihowa galatinoti dihuluullissannote. Looso dancha gede loonsanni heeꞌneenna, Saafaani kulannori heeꞌreenna mootenniwa dayi. Ikkina isi anga haaꞌre noori maati? Isi anga mitte borrote xaaxo haaꞌre no! Isi, Kakkalaanote Biili Hiliqiya “Kaaliiqi Musera uyinoha Seeru Maxaafa” afino yee mootete kuli. (2 Duduwo 34:12-18) Dhagge ikkanno coyeeti; kuni anfihu Seeru maxaafi hundita umi borro ikkikki digatino!
Iyosiyaasi maxaafu giddo borreessinoonnire baalankare macciishshate lowo geya quqquxamino. Saafaani nabbawisi woyite Iyosiyaasi isinna mannisi mitte mittenta hajajo loosu anna hosiisa dandaanno gara seekke hedino. Hakko iso Iyosiyaasi, hakku maxaafi halaalu magansiꞌra daafira luphi asse kulannota hattono mannu kaphu maganna magansiꞌriro qoomamu dirrannonsatanna qafadame wole gobba haꞌrannota kulannota afiti dhagge assiꞌrino. Iyosiyaasi mannu Maganu hajajo seekke harunsinokkita huwatiti uddanosi darino; hakkiinni isi, Saafaani, Hiliqiyanna wole manna togo yee hajajino: “Kunni maxaafi giddo noo coye buuxa dandiineemmo gede Kaaliiqa xaꞌme. Akaakkanke Kaaliiqira hajajama gibbino daafiranna kunni maxaafi giddo kulloonni coyeno wonsha hoogginohura Kaaliiqi hanqinonke.”—2 Mootoolla 22:11-13; 2 Duduwo 34:19-21.
w00 9/15 30 guf. 2
Iyosiyaasi Umosi Heeshshi Assino Daafira Yihowa Hagiirsiisino
Iyosiyaasi soyino manni Yerusaalamete heedhannote masaalaancho Huldawiinni sokka haaꞌre higino. Hulda haarote anfoonni maxaafi giddo kulloonni qoomami kaadaasine ikkitino daga aana dirrannota qummi assite Yihowa sokka kultino. Ikkollana Iyosiyaasi Yihowa albaanni umosi heeshshi assino daafira, qoomamu iso dikisanno. Isi qarra afikkinni mannu aalo ikkanno.—2 Mootoolla 22:14-20; 2 Duduwo 34:22-28.
Maganu Qaalinni Ronseemmore
w01 4/15 26 guf. 3-4
Lophitinoonni Gari Ikkihano Ikkiro Qinaannoꞌne
Iyosiyaasi lophino gari dancha ikka hoogirono, Yihowa albaanni gara ikkinore assino. Qullaawu Maxaafi Iyosiyaasira gashshootisi yannara coyi qiniinosi gara kulanni togo yaanno: “Muse Seeri giddo borreessinoonni garinni woꞌmu wodanisinni, woꞌma lubbosinninna woꞌma wolqasinni Kaaliiqira soqqaminohu Iyosiyaasi gedee moote isira albaannino ikko gedensaanni horontanni dino.”—2 Mootoolla 23:19-25.
Iyosiyaasi lawishshi danchu garinni lossinoonninsakkire lowo geeshsha jawaachishanno! Tenne xaggenni ninke maa ronseemmo? Iyosiyaasi danchare doodhanno gedenna doodhino coye cuꞌmiꞌre heeꞌranno gede kaaꞌlinosiri maati?
ARFAASA 9-15
MAGANU QAALI GIDDO NOOTA MUXXE JIRO | 2 MOOTOOLLA 24-25
“Wiinantine Soqqama Agurtinoonte”
w01 2/15 12 guf. 2
Yihowahu Yoote Barri Gambisino!
2 Soffooniyaasi coyiꞌrino masaalo, Iyosiyaasi Yihudu gobbanni kaphu maganna huna hasiissannota albinni roore huwatanno gede assitusikki digattino. Ikkollana moote gobbatenni kaphu maganna hunate assinori Israeelete manni mereero noo bunshe baala hunino yaa diꞌꞌikkino; woy ahaahisi Moote Minaase loosino cubbo hoolannoha diꞌꞌikkino; Minaase “keeraano manna shee Yerusaalame mundee calla assino.” (2 Mootoolla 24:3, 4; 2 Duduwo 34:3) Hakko daafira Yihowahu yoote barri daasi digattanno.
w07 3/15 11 guf. 10
Ermiyaasi Maxaafita Luphi Yitino Hedo
Yanna 607 K.A. Sedeqiyaasi moohinku hakkawote 11 diro ikke no. Baabiloonete moote Nabukadanatsoori 18 agana woꞌma Yerusaalame doyisse keeshshino. Nabukadanatsoori moohihunni 19ki diro, ontikki aganira lamalki barra, mootete mini agaraasine roorrichi Nabuzardaani Yerusaalame dayi. (2 Mootoolla 25:8) Miteekke Nabuzardaani katamu huxxira gobbaanni kaampesira heeꞌre katama ma garinni hunannoro hedanni qixxaawanni keeshshinoha ikkara dandaanno. Sasu barri gedensaanni, yaano ontikki aganira tonnikki barra Yerusaalame “ei.” Hakkiinni katamaho giira qasi.—Ermiyaasi 52:12, 13.
Maganu Qaalinni Ronseemmore
w05 8/1 12 guf. 1
Layinki Mootoolla Maxaafita Luphi Yitino Hedo
24:3, 4. Minaase mundeete shedi noosiha ikkino daafira, Yihowa Yihudu manni “cubbo agurara dihasiꞌrino.” Maganu beebbate shinoonni manni mundee ayirrisanno. Yihowa beebbaataammu manni mundee duntannore hune beebbate shinoonni manni mundeera rabba qolannota dihuluullammeemmo.—Faarso 37:9-11; 145:20.
ARFAASA 16-22
MAGANU QAALI GIDDO NOOTA MUXXE JIRO | 1 DUDUWO 1-3
“Qullaawu Maxaafi Qalote Borro Ikkikkinni Noore Kulannoho”
w09 9/1 14 guf. 1
Addaaminna Heewani Addinta Heeꞌre Saino Mannaati?
Hanni lawishshaho, Umi Duduwi maxaafira fooliishsho 1nni 9 geeshshanna Luqaasi Wongeellira fooliishsho 3 kulloonnita Ayihudete sirchi kala kultanno xagge laꞌno. Konni lamunku maxaafira noo xagge 48 ilamanna 75 ilama kala tittirte kultanno. Luqaasi Yesuusi Kiristoosi ilamino kala xawisino; Duduwu maxaafi kayinni Israeelete mootoollanna kakkalaasine kala xawisanno. Lamunku maxaafi lowo geeshsha egennamino manna lawishshaho Selemooni, Daawiti, Yisihaaqi, Abirihaami, Nohi, hattono jeefote Addaami qummi assanno. Lamunku maxaafira kulloonni manni addinta heeꞌre sainoho; lamenkawa kulloonnihu Addaamino addinta heeꞌre sainoho umi manchooti.
w08 6/1 3 guf. 4
Nohinna Baote Wayire Kultanno Xagge Qalote Borro Ikkitukkinni Nooreeti
Ilamate kiiro kultannoti lame Qullaawu Maxaafi xagge Nohi addinta heeꞌre saino mancho ikkinota leellishshanno. (1 Duduwo 1:4; Luqaasi 3:36) Konne sirchu kala borreessitinori Izirinna Luqaasi seekkite xiinxallitannoreeti. Luqaasi, Yesuusi Kiristoosi ilamino kali mare Nohi ledo xaadannota xawisino.
w09 9/1 14-15
Addaaminna Heewani Addinta Heeꞌre Saino Mannaati?
Hanni lawishshaho, beetekiristaane haꞌrannohu batinyu manni baxannoha mitto Qullaawu Maxaafi roso yaano wodote kakkalo daafira laꞌno. Konni rosi garinni, Yesuusi Kiristoosi manna cubbinsanni gatisate guuta heeshshosi wodo asse uyino. (Maatewoosi 20:28; Yohaannisi 3:16) Anfummonte gede, wodote yaa baino coye wirro qoꞌlate woy hidhate baantanniho taalo waagaati. Qullaawu Maxaafi Yesuusa ‘taalo wodooti’ yaannohu iseraati. (1 Ximootewoosi 2:6, NW) Taalo ikkinohu mayi ledooti? Qullaawu Maxaafi togo yee dawaro qolanno: “Addaaminni kainohunni mannu baalu reyannonte gede, Kiristoosi widoonni mannu baalu heeshsho afiꞌranno.” (1 Qorontoosi 15:22) Yesuusi hajajamanno manna cubbunni gatisate wodo asse uyinoti guuta heeshsho, Addaami Edenete cubbo loosi woyite huꞌninote guuta heeshsho ledo taalote. (Roomu Sokka 5:12) Konni daafira, Addaami yinanni manchi heeꞌrinokkiha ikkoommero, Kiristoositi wodote kakkalo waagu nookkita ikkitanno.
Maganu Qaalinni Ronseemmore
it-1 911 guf. 3-4
Ilamate Kiiro
Meentu Suꞌma. Saꞌne saꞌne meentu suꞌma ilamate kiiro giddo kulloonnihu xaggensa ledo xaadooshshe afiꞌrino korkaatinniiti. Kalaqama 11:29, 30 aana Saarayi (Saara) suꞌma kulloonnihu, daanno yinoonni Sirchi wole Abirihaami galte widoonni ikkikkinni ise widoonni daanno daafira ikkikki digatino. Hattee xaggenkura Milka suꞌma kulloonnihu ise Yisihaaqi galtera Ribiqara ahaahe ikkitino daafira ikkara dandaanno; tini Ribiqa Abirihaami sircho ikkitinota leellishshanno daafira, Yisihaaqi wole daga seenne adha dihasiissannosi yaate. (Ka 22:20-23; 24:2-4) Kalaqama 25:1 aana, Abirihaami gedensoonni adhino galteha Kexura suꞌma kulloonni. Tini Abirihaami Saara reyituhu gedensaanni wirro seenne adhinota leellishshanno; qoleno isi Yihowa maalaletenni ila dandaanno gede assisihunni 40 diro saꞌanno yanna gedensaannino ila dandiinota leellishshanno. (Ro 4:19; Ka 24:67; 25:20) Hakkiinni saeno, Miidiyaamootunna wole Arawete gosa Israeelete ledo mayi xaadooshshe afidhinoro leellishshanno.
Liya, Raaheelinna Yaiqoobire irkote minaamuwa oosonsa ledo qummi assinoonni. (Ka 35:21-26) Tini Maganu gedensoonni tenne oosora assinore huwatate kaaꞌlitannonke. Wolu meenti suꞌmano ilamate kiiro giddo qummi assinoonnihu iseraati. Ragge sirchoho sayinsannihu meyate widoonni ikkanno woyiteno, suꞌmansa qummi assinara dandiinanni. (Ki 26:33) Hige Taamaari, Rahaabinna Ruuti assinori baxxinoreeti. Sasenti meenti Buuramino Moote Yesuusi Kiristoosi sirchi kali wido ikkinohu dhagge ikkanno garinniiti. (Ka 38; Ru 1:3-5; 4:13-15; Mt 1:1-5) Ilamate kiiro giddo meentu suꞌma kulloonniti wole xagge 1 Duduwo 2:35, 48, 49; 3:1-3, 5 noote.
ARFAASA 23-29
MAGANU QAALI GIDDO NOOTA MUXXE JIRO | 1 DUDUWO 4-6
“Huuccattoꞌya Ane Daafira Maa Leellishshanno?”
w10 10/1 23 guf. 3-7
‘Huuccatto Macciishshanno Magano’
Yaabeetsi huuccatto baxanno manchooti. Isi umo Maganu maassiꞌrannosi gede huucciꞌrino. Hakkiinni isi kaajjado ammana noosita leellishannoha sase coye huucciꞌrino.
Umihunni, Yaabeetsi Magano “Gobbaꞌyano halashshie” yee huucciꞌrino. (Kiiro 10) Kuni ayirradu manchi manni gobba yorannoha woy haqaqqaale adhannoha diꞌꞌikkino. Isi roore illachishinohu baatto ikkitukki mannaho. Isi huucciꞌranni noohu gobbasi halaꞌlite halaalaancho Magano magansiꞌrannohu lowo manni heeꞌrannota ikkitanno gede ikkikki digatino.
Layinkihunni, Yaabeetsi Maganu “anga” isiwiinni faffannokki gede huucciꞌrino. Maganu anga yinoonniti isi mannasi kaaꞌlate horoonsiꞌranno wolqaati. (1 Duduwo 29:12) Yaabeetsi wodanisi halchinore afiꞌrate, addaxxitannosire kaaꞌlate angasi haraꞌmitannokki Magano hexxino.—Isayaasi 59:1.
Sayikkihunni, Yaabeetsi “Gawajjannoeriwiinni agarie” yee huucciꞌrino. “Gawajjannoeriwiinni agarie” yitanno yaatto, Yaabeetsi huuccatto assiꞌrinohu qarru amadannosikki gede ikkikkinni, qarru woy bunshe assanno manni xissiisannosikki woy gawajjannosikki gede ikkinota leellishshannota ikkitara dandiitanno.
Yaabeetsi assiꞌrino huuccatto, isi halaalu magansiꞌrara laalaatannohanna huuccatto macciishshanno Magano addaxxannoha ikkinota leellishshanno. Yihowa huuccattosira dawaro qolinohu hiittoonniiti? Tini harancho xagge jeefote, “[Maganu] huucciꞌrinore wonshisi” yitanno.
Maganu Qaalinni Ronseemmore
w05 10/1 9 guf. 7
Umi Duduwi Maxaafita Luphi Yitino Hedo
5:10, 18-22. Moote Saaooli waro, Yordaanoosira soojjaatoonni noo gaꞌre Hagarootu gosa lame ero roortannonsaha ikkirono insa qasse qeela dandiitino. Tenne gaꞌre giddo noori worbuullu olamaasine tenne qeelle afidhinohu Yihowa addaxxitinonna isi kaaꞌlo hasidhino daafiraati. Ninkeno wolqaataamma diinnanke ledo ayyaanaamittete ola olammeemmo woyite woꞌmu wodaninkenni Yihowa addaxxino.—Efesooni Sokka 6:10-17.
ARFAASA 30–AMMAJJE 5
MAGANU QAALI GIDDO NOOTA MUXXE JIRO | 1 DUDUWO 7-9
“Yihowa Kaaꞌlonni Qarrisanno Looso Loosa Dandiitinanni”
w05 10/1 9 guf. 8
Umi Duduwi Maxaafita Luphi Yitino Hedo
9:26, 27. Qullaawu Mini waalcho agartanno Leewaawootira ayirrado looso uyinoonninsa. Insara Qullaawu Mini kifilla fannanni makafacha uyinoonninsa. Insa soodote kiiro waalcho fantanno daafira konni loosira ammanantinore ikkitinota leellishshino. Ninkeno qarqarinkera noo manni daye Yihowa magansiꞌranno gede kaaꞌlinammora jawa hadara uyinoonninke. Waalcho agartanno Leewaawooti gede ninkeno addaxxinannirenna ammaꞌninannire ikka dihasiissannonke?
w11 9/15 32 guf. 7
Qarrisanno Coyi Tuncu Yaannoꞌne Woyite Finihaasi Gede Ikka Dandiitinanni?
Hunda Israeelete yannara Finihaasira jawa loosu qeecha uyinoonnisi; ikkirono isi worba, xiinxallanna Magano addaxxannoha ikkino daafira, qarra ikkannore qeele saino. Qoleno Finihaasi Maganu songo diinaggaawe towaatino daafira Yihowa hagiirsiisino. Mitu 1,000 diri gedensaanni Iziri qullaawu ayyaaninni togo yee borreessino: “Hakkunnira albaanni insa Aliaazaari beetti Finihaasi towatanno. Kaaliiqino ledosi no.” (1 Dud. 9:20) Xaa yannara Maganu manni mereero albisa ikkite soqqantanni noorirano ikko isira ammaname soqqamanni noo Kiristaanira baalaho Yihowa ledonsa ikko.
Maganu Qaalinni Ronseemmore
w10 12/15 21 guf. 6
Yihowara Faarse!
6 Addanko, Yihowa soqqamaasinesi iso faarsotenni guwisidhanno gede masaalaanosi widoonni biddishsha uyino. Isinni kakkalaasinete gaꞌre wido ikkitino faarsaasine faarso qixxeessatenna rosiisiꞌrate gari yanna afidhanno gede wolu Leewaawooti loossanno looso loossannokki gede assinoonni.—1 Dud. 9:33.
Lallawo
Qullaawu Maxaafi Rosaanoꞌne Cuuantanno Gede Kaaꞌlensa
3 Mittu Qullaawu Maxaafi rosaanchi cuuamara albaanni Qullaawu Maxaafi roso loosu aana hosiisa hasiissannosi. (Maatewoosi 28:19, 20 nabbawi.) Isi rosinore loosu aana hosiisannoha ikkiro, Yesuusi coyiꞌrino lawishshira kulloonniha seekke ume minesi kinchu aana miꞌninoha “egennaamo mancho” lawanno. (Mat. 7:24, 25; Luq. 6:47, 48) Qullaawu Maxaafi rosaanchi rosinore loosu aana hosiisanno gede kaaꞌla dandiineemmohu hiittoonniiti? Hanni tennera kaaꞌlitannonketa sase hedo laꞌno.
4 Rosaanchikki mixo fushshiꞌranno gede kaaꞌlisi. Hatto assa hasiissannohehu mayiraati? Hanni mitto lawishsha laꞌno: Seeda doogo hadhanni heedhe doogote laꞌꞌate baxisannore lawishshaho ilaalanna fooncho afittoro taxxi yite daaꞌꞌatattoha ikkara dandaanno. Hatto assittoro hadhanni noottowa hedittokki iillatto. Hatteente gede Qullaawu Maxaafi rosaanchi shiima yanna giddo wonshiꞌra dandaanno mixo fushshiꞌrasi, cuuamate fushshiꞌrino mixono wonshiꞌra dandaannota huwatanno gede kaaꞌlitannosi. Rosaanchikki mixo fushshiꞌranno gede kaaꞌlate, Hegerera Hagiidhitanni Heeꞌra Dandaatto! yaanno maxaafira nooha “Mixokki” yaanno gafa horoonsiꞌri. Mitto mittonka roso xiinxallitine guddini kiiro, “Mixokki” yaanno gafi hunda noo hedo, rosaanchu rosinore loosu aana hosiisate kaaꞌlitannosi gara hasaabbe. Rosaanchikki wonshiꞌrara hedoottoti wole mixo nooha ikkiro, “Wolere” yaannohu hunda borreessi. Rosaanchikki harancho yanna giddono ikko seeda yanna giddo wonshiꞌra dandaanno mixo daafira isi ledo hasaawate konne gafa ganyite horoonsiꞌri.
5 Qullaawu Maxaafi rosaanchikki heeshshosi gara biddi assiꞌranno gede kaaꞌlisi. (Maarqoosi 10:17-22 nabbawi.) Yesuusi, dureessu manchira afiꞌrinore baala hira shota ikkitannosikkita afino. (Maq. 10:23) Ikkirono Yesuusi kuni manchi afiꞌrinore baala hiranno gede kulinosi. Isi hatto yiinosihu baxinosi daafiraati. Mito woyite Qullaawu Maxaafi rosaanchinke konne coye biddi assiꞌrate diqixxaawino yine hendeemmo daafira, rosanni noore loosu aana hosiisanno gede jawaachishate hobbi ruxxi yineemmoha ikkara dandaanno. Mannaho akkala mannimma fushshe hooꞌle haaro mannimma uddiꞌrate lowo yanna hasiissansara dandiitanno. (Qol. 3:9, 10) Kayinni Qullaawu Maxaafi rosaanchiꞌne biddi assiꞌra hasiissannosire bayichonko fantine hasaabbinanniha ikkiro, isino mulenni biddi assiꞌrara dandaanno. Konni garinni hasaabbinanniha ikkiro, baxxinannisita leellishshinanni.—Far. 141:5; Law. 27:17.
6 Rosaanchoho mitte hajo daafira mayi macciishshamannosiro afate, giddosita fushshe coyiꞌranno gede assitanno xaꞌmo xaꞌma dandiineemmo. Togoo xaꞌmo rosaanchikki rosinore huwatinoronna mayyee ammanannoro afate kaaꞌlitannohe. Ganyitine konni garinni hasaabbinanniha ikkiro, albillitte shota ikkitinokki hajo kayissine hasaawa diqarrissannoꞌne. Hegerera Hagiidhitanni Heeꞌra Dandaatto! yaanno maxaafira togooti duucha xaꞌmo no. Lawishshaho roso 4te, “Suꞌmasi woshshatto woyite Yihowara mayi macciishshamannosiha lawannohe?” yitanno xaꞌmo no. Roso 9te qole “Mayi mayi daafira huucciꞌra hasiꞌratto?” yitanno xaꞌmo no. Umi qara rosaanchikkira togoo xaꞌmuwara dawaro qola qarra ikkitasira dandiitanno. Rosaanchu maxaafu giddo kulloonni qummeeshshuwanna misilla horoonsiꞌre heeshshi gotti asse hedanno gede qajeelsite kaaꞌlattosira dandaatto.
7 Rosaanchikki maa assa hasiissannosiro huwatihu gedensaanni, hakkoye coye assanno gede jawaachishate woꞌnaalsha horoonsiꞌri. Lawishshaho, rosaanchikkira gambooshshe haꞌra qarra ikkitinosiha ikkiro, roso 4te “Egenno Lexxi” yaannohu hunda noota Yihowa Towaatinoe yitanno viidiyo leellishattosira dandaatto. Hegerera Hagiidhitanni Heeꞌra Dandaatto! yaanno maxaafi giddo “Ledde Xiinxalli” woy “Egenno Lexxi” yaanno gafi hunda togoo woꞌnaalshuwa afiꞌra dandaatto. “Isi hatto assa dandiiro atino assa dandaatto” yitanni rosaanchokki wolu ledo heewisiisattokki gede qorophi. Hatto yee heda hasiissannosihu rosaancho umosiiti. Hatteentenni viidiyote giddo kulloonni manchi Qullaawu Maxaafi roso loosu aana hosiisanno gede kaaꞌlinosire luphi assite xawisi. Viidiyote giddo qummi assinoonniha qara qummeeshsha woy viidiyote giddo noo manchi assinore luphi assite kula dandaatto. Hakko mancho Yihowa kaaꞌlinosi gara xawisi.
8 Rosaanchikki Yihowa baxanno gede kaaꞌlisi. Hatto assa dandaattohu hiittoonniiti? Rosaanchikki Yihowa akatta daafira roore huwatanno gede kaaꞌlatto faro hasiꞌri. Yihowa baxxannosire kaaꞌlannohanna hagiirraamo Magano ikkinota rosaanchikki huwatanno gede kaaꞌlisi. (1 Xim. 1:11, NW; Ibi. 11:6) Rosaanchikki rosinore loosu aana hosiisasi kaaꞌlitannositanna tini qolte Yihowa baxannosita leellishshaata ikkitinota xawisse kulisi. (Isa. 48:17, 18) Isi Yihowa albinni roore baxanni haꞌri kiiro, biddi assiꞌra hasiissannosire baala biddi assiꞌrate kaꞌꞌanno.—1 Yoh. 5:3.
AMMAJJE 6-12
MAGANU QAALI GIDDO NOOTA MUXXE JIRO | 1 DUDUWO 10-12
“Maganu Fajjo Wonshate Hasattoꞌne Lexxitanno Gede Assidhe”
w12 11/15 6 guf. 12-13
“Hedoottore Asseemmo Gede Kaaꞌlie”
12 Daawiti Muse Seerira nooha xintu seera wodanchanno garinna hakko seeri garinni heeꞌrate noosi hasattono harunsa hasiissannonkete. Hanni Daawiti “Beetelihemete waalchi mule noo buicho waa” aga hasiꞌri yannara ikkinore laꞌno. Daawiti manni giddo sasu Filisxeemete qacha tayisse saꞌe buichotenni waa hinkiilte Daawitira abbitusi. Isi kayinni aga agure hakkoye waa Yihowa albaanni dunino. Mayira? Isi togo yee xawisino: “Konne waa ageemmokki gede Maganu agaroe! Anera konne waa aga, lubbonsa hunte hadhino wolqaataammi mundee agate yaate.”—1 Dud. 11:15-19.
13 Daawiti mundee Yihowa albaanni duna agurranna ita hasiissannokkita Muse Seerinni huwatino. Isi hatto assinannihu mayiraatirono afino. Daawiti “Kalaqamu lubbo mundeete giddo [noota]” huwatino. Ikkollana mannu isira abbinohu waaho ikkiina mundee diꞌꞌikkino. Ikkina isi mayira aga giwiyya? Isi tenne hajajoha xintu seera wodanchino. Daawiti illera, abbinisi wayi hakkuyi sasu manni mundee gede lowo waaga afiꞌrinoho. Hakko daafira isi hakkoye waa horonta aga dihasiꞌrino. Isi hakkoye waa agantenni uulla duna hasiissannoe yee hedino.—Lew. 17:11; Mar. 12:23, 24.
Tiianke Maganu Higgenni Qajeelsiꞌno
5 Maganu higgenni tiianke qajeelsiꞌrate, Maganu qaale nabbawatenni woy tenne higge afatenni sainore assa hasiissannonke. Maganu higge lowo geeshsha baxanna ayirrisa hasiissannonke. Maganu Qaali togo yaanno: “Busha coye hunne [woy, gibbe], dancha coye baxxe.” (Amo. 5:15) Ikkollana togo assa dandiineemmohu hiittoonniiti? Qaru coyi Yihowa mitto coye laꞌꞌanno gara rosate. Hanni goxichu giweennahe akimete minira haꞌroottohu gede assite hedi. Akimichu dancha sagale itatto gede, ispoorte loosatto gedenna heeshshokki giddo mito coye biddi assiꞌratto gede kulihe. Isi yiinohere assite goxicho afiꞌritto. Akimichu kaaꞌlinohe daafira lowo geeshsha galatattositi egennantinote.
6 Hatteente gede, Kalaqaanchinke uyinonke higge cubbo loonse qarru giddo umbeemmokki gedenna heeshshonke woyyaabbanno gede assitanno. Qullaawu Maxaafi giddo noo higge kaphu, hanaaqu, mooru, foora, finqillenna agaanintete loosi daafira kultannore harunsa kaaꞌlitanno gara hedi. (Lawishsha 6:16-19 nabbawi; Aju. 21:8) Yihowa higgera hajajammummoro afiꞌneemmo atoote laꞌneemmo woyite, Yihowaranna higgesira noonke baxilli lexxanno.
Maganu Qaalinni Ronseemmore
it-1 1058 guf. 5-6
Wodana
“Woꞌmu Wodaninni” Soqqama. Maalu wodaninke garunni loosannohu woꞌma ikkirooti; lawishshu wodaninke kayinni beehamara dandaanno. Daawiti togo yee huucciꞌrino: “Kaaliiqa ballo, . . . ate ayirrisate beehaminokki wodana uyie.” Hatto yaasi wodaninke beehameenna Magano mitte giddonni baxanna waajja hoongammora dandiineemmota leellishshanno. (Far. 86:11) Togoo manchi Magano “daratu wodaninni” woy gammuuta giddonni magansiꞌrara dandaanno. (Far. 119:113, NW; Aju. 3:16) Qoleno mittu manchi “lamu wodaniha” ikkara yaano lamu mootichira soqqamara woy kawaanni wolere coyiꞌranni kaꞌaa wolere hedannoha ikkara dandaanno. (1 Dud. 12:33, NW; Far. 12:2) Yesuusi lamu wodanire togoo lawisiisaano rufino.—Mat. 15:7, 8.
Magano hagiirsiisa hasiꞌranno manchi daratu woy lamu wodaninni ikkikkinni woꞌmu wodaninni soqqama hasiissannosi. (1 Dud. 28:9) Wodaninke xagaraamonna bunshete widira hige dooinoha ikkino daafira, tenne assate lowo sharro hasiissanno. (Erm. 17:9, 10; Kal. 8:21) Aante noo coyibba wodaninke woꞌma ikkanno gede kaaꞌlitannonke: woꞌma giddonkenni huucciꞌra (Fa 119:145; Erq 3:41), Maganu Qaale ganyine xiinxalla (Iz 7:10; La 15:28), dancha duduwo diinaggaambe sabbaka (Er 20:9 ledo heewisiisi), hattono woꞌmu wodaninsanni Yihowara aamantinoriwa aana.—2Mo 10:15, 16 ledo heewisiisi.
AMMAJJE 13-19
MAGANU QAALI GIDDO NOOTA MUXXE JIRO | 1 DUDUWO 13-16
“Biddishsha Harunsiniro Qinaanno”
w03 5/1 10-11
“Kaaliiqi Hiikkiicho No?” Yitine Xaꞌmitinanni?
12 Qaalu gondoori taaboota Israeele abbineenna Qiriyaati-Yiariimi yinanniwa lowo diro keeshshihu gedensaanni, Moote Daawiti Taaboota Yerusaalame abba hasiꞌrino. Daawiti hajajaanote ledo maꞌlihu gedensaanni, Israeelete manni baalunkura ‘Kiꞌne suumuu yitinironna Maganinke Kaaliiqi yiinoha ikkiro Taaboota kawiira abbeemmo’ yee coyiꞌri. Ikkollana isi tenne daafira Yihowa fajjo maatiro seekke huwatate diwoꞌnaalino. Isi hatto assinoha ikkoommero Taaboota faradi-gaarete hogombanni gede diassanno. Maganu xawise kulino garinni, Taaboota Qehaati gaꞌre ikkitino Leewaawooti qoteho duha hasiissanno. Daawiti hakkuyira albaanni duucha hige Yihowa biddishsha xaꞌmiꞌrinoha ikkirono tenne yannara kayinni hatto assikki gatino. Tini dadillisanno coyi ikkanno gede assitino. Daawiti gedensoonni togo yee noore coyiꞌrino: “Maganinke Kaaliiqi hedino gede assate iso xaꞌma hoongoommohura qorichishinonke.”—1 Duduwo 13:1-3; 15:11-13; Kiiro 4:4-6, 15; 7:1-9.
w03 5/1 11 guf. 13
“Kaaliiqi Hiikkiicho No?” Yitine Xaꞌmitinanni?
13 Gedensoonni Leewaawootu Taaboota Abidaara mininni dukke Yerusaalame abbitu woyite, Daawiti fushshino faarso faarsinoonni. Tenne faarso giddo togo yaanno qaagiishshi no: “Kaaꞌlosi afidhinanni gede Kaaliiqa hasidhe; woꞌmanka woyite magansidhesi. . . . Kaaliiqi assino maalale baalanna, yiino yoo wodanche.”—1 Duduwo 16:11, 12.
Maganu Qaalinni Ronseemmore
Hegeri Nugusa Yihowa Magansidhe
14 Mitte hige, Daawiti qullaawa gondooru Taaboota Yerusaalame abbi. Tenne hagiirru yannara Leewi gaꞌre galatu faarso faarsitino; tini faarso 1 Zeena 16:31 aana togo yitanno: “Dagate mereero, ‘Yihowa Nugusa ikkino!’ yitine dudubbe.” Mittu manchi, ‘Yihowa hegeri Nugusa ikke heeꞌreenna, hakkawote Nugusa ikkino yinoonnihu mayiraati?’ yaara dandaanno. Yihowa silxaanesi leellishanno wote woy iso riqibbannore shoomanno wote Nugusa ikkanno. Isi Nugusa ikkanno gara huwata lowo geeshsha hasiissannote. Yihowa Daawiti reyara albaanni, nugusimmasi hegerera heedhannota kulanni togo yee hexxo uyinosi: “Ate gedensaanni atewiinni fulanno sirchokki kayiseemmo; qoleno mangistesi kaajjite uurritanno gede asseemmo.” (2 Sam. 7:12, 13) Mito 1,000 diro saꞌanno yanna gedensaanni, kuni Daawiti “sirchi” woy beetti baxxe leelli yannara tini hexxo woꞌmitino. Kuni “sirchi” ayeti? Isi Nugusa ikkinohuna mamooteeti?
Lallawo
Maganu Uyinonketa Muxxe Elto Naadattota Leellishi
7 Umihunni, Kiristoosi Yesuusira ayirrinye abbanno garinni heeꞌra hasiissannonke. Hawaariya Phaawuloosi, “Kiristoosi baxilli xixxiiwannonke” yee borreessino. (2 Qorontoosi 5:14, 15 nabbawi.) Kiristoosihu baxxino baxilli xawe leellinkero, hakku baxilli iso banxeemmo gedenna ayirrinseemmo gede xixxiiwannonketa woy kakkayisannonketa Phaawuloosi huwatino. Surrenke Yihowa ninke daafira yee assinore baalankare seekkite huwatturonna wodaninkera baxillisi woꞌmiro, heeshshonke woꞌmatenni Kiristoosi Yesuusira heeꞌrate hasatto heedhannonke. Togoo hasatto noonketa leellisha dandiineemmohu hiittoonniiti?
8 Yihowa baxxannori Kiristoosi lawishsha harunsitanno; yaano isi heeꞌrino garinni heedhanno hattono haꞌrumasi seekkite harunsitanno. (1 Phe. 2:21; 1 Yoh. 2:6) Hajajammeemmore ikkanke, Maganonna Kiristoosi banxeemmota leellishshanno. Yesuusi togo yiino: “Ane baxannohu hajajoꞌya maahoyye yee adhannohonna harunsannoho. Ane baxannoha baalanka Anniꞌya baxannosi; anino baxeemmosi hattono aneneeto leellisheemmosi.”—Yoh. 14:21; 1 Yoh. 5:3.
9 Qaagooshshu Ayyaani woggara, heeshshonke gari hiittoohoro heda hasiissannonke. Ateneeto togo yite xaꞌmi: ‘Kiristoosi Yesuusi lawishsha dancha gede harunsanni noommo doogga hiikkuriiti? Woyyeessiꞌra hasiissannoe coyibba hiitteeti?’ Tenne alame ikkito harunsineemmo gede xixxiiwannonkeri barru baala tuncu yaannonke daafira, konni garinni ninkeneeto layiꞌranke hasiissannote. (Rom. 12:2) Qoropha hoongummoro, tenne alame egennaamma woy maccaha ikkino mannanna ispoortete ejjeetto harunsineemmore ikkinammora dandiineemmo. (Qol. 2:8; 1 Yoh. 2:15-17) Togoo coyibba gargadha dandiineemmohu ma garinniiti?
10 Qaagooshshu Ayyaani woggara, uddiꞌneemmo uduunni, laꞌneemmo filmenna macciishshineemmo muuziiqi, woy kompiyuterenke, mobayilenkenna taabileetenke giddo noo coyibba hiittootero hedate yanna gaaꞌmanke danchate. Uddiꞌratto uduunnire hedatto wote, ateneeto togo yite xaꞌmi: ‘Konne uduunne uddiꞌre Yesuusi noowa mareemmoha ikkoommero, saalfateemmo?’ (1 Ximootewosi 2:9, 10 nabbawi.) ‘Konne uduunne uddiꞌrummoro, mannu baalunku Kiristoosi Yesuusi harunsaancho ikkoommota huwatanno?’ Laꞌneemmo filmenna macciishshineemmo muuziiqa lainohunnino ninkeneeto togoo xaꞌmuwa xaꞌma dandiineemmo. ‘Yesuusa ikkoommero tenne filme laꞌꞌanni woy konne muuziiqa macciishshanni boohaaranno? Yesuusira mobayileꞌya woy taabileeteꞌya argiseenna isi hakko noo coye lainoha ikkoommero saalfateemmo?’ Viidiyote godoꞌle lainohunni ateneeto togo yite xaꞌmi: ‘Tenne godoꞌle togo baxoommohu mayiraatiro Yesuusira kuli yinoommeꞌꞌero, kula qarrissannoe?’ Yihowara noonke baxilli, waagisi baxi geeshshihano ikkiro Kiristoosi rosaanora hasiisannokki coyi baalunkunni xeertiꞌneemmo gede kakkayisannonke. (Looso 19:19, 20) Heeshshonke Maganoho sayinse uyinummo wote, xaate uminkera ikkikkinni Kiristoosira heeꞌneemmo yine qaale eꞌnoommo. Hakko daafira, Kiristoosi faale seekkine harunsineemmokki gede ataawe ikkannonkeha aye coyeno baxa dihasiissannonke.—Mat. 5:29, 30; Fil. 4:8.
AMMAJJE 20-26
MAGANU QAALI GIDDO NOOTA MUXXE JIRO | 1 DUDUWO 17-19
“Heddinoonniri Ikka Hoogirono Hagiirriꞌne Baꞌꞌannokki Gede Assidhe”
w06 7/15 19 guf. 1
Yihowa Dirijjite Giddo Nooha Dancha Coye Illachishshe
Ibiraawootu afiite qullaawa borro giddo kulloonnihu dhagge ikkanno manni giddo mittu hundi Israeele wido ikkinoho Daawitiiti. Geꞌreewu allaalaancho, faarsaancho, masaalaanchonna moote ikkinohu Daawiti woꞌmunni woꞌma Magano Yihowa addaxxino. Isira Yihowa ledo noosihu muli jaaloomi Maganoho mine mina halchanno gede kakkayisinosi. Kuni qullaawu mini Israeelete gobbara halaalu magansiꞌrara qara bayicho ikkanno. Daawiti qullaawu mini giddo halaalu magansiꞌrara assinanni qixxaawo Maganu mannira hagiirrenna atoote abbitannota afino. Hakko daafira isi togo yee faarsino: “Ati [Yihowa] dooroottohura, Qullaawa Darga heeꞌrara woshshoottosihura tashshi yoosi; duushshannonke atooti Qullaawu Minikki giddonni fulannoho.”—Faarso 65:4.
Nooꞌne Qoossonni Hagiidhe
11 Hatteente gede, Yihowara soqqammammora uyinanninke loosi ikkihano ikkiro, wolqanke assitu deerrinni diinaggaambe loonsummoro, hagiirrinke lexxanno. Sabbakate looso laalaatte loosi; hattono songoꞌne ledo gamba yite loosi. (Soq. 18:5; Ibi. 10:24, 25) Songote gambooshshiwa jawaachishshanno dawaro qola dandaatto gede, seekkite qixxaabbe haꞌri. Kiristaanu Heeshshonna Soqqansho gambooshshira uyinanniheta aye kifileno shiimuri gede assite laꞌooti. Songote giddo mito looso kaaꞌli yinihero, yannante marte kaaꞌli; hattono ammaꞌninanniha ikki. Uyinanniheha aye loosono loosatto woyite, mulla yannakki guxxitanni noottohu gede assite heddooti. Dandookki woyyeessiꞌrate sharrami. (Law. 22:29) Yihowa loosira diinaggaawitto deerrinni, ayyaanaamittetenni rakke lophatto, hattono hagiirrikki lexxanno. (Gal. 6:4) Qoleno, ati halchootto qoosso wolootu afidhanno woyite, insa ledo hagiidha qarra diꞌꞌikkitannohe.—Rom. 12:15; Gal. 5:26.
Maganu Qaalinni Ronseemmore
w20.02 12, saaxine
Annanke Yihowa Lowo Geeshsha Banxeemmo
Yihowa Isi Ane Afinoe?
‘Uullate aana heeꞌrannohu lowo biliyoone ikkano manni giddo Yihowa isi ane bade afinohe?’ yite hedde egennootto? Hatto yite hedattohu ate calla diꞌꞌikkootto. Moote Daawiti togo yee borreessino: “Kaaliiqaꞌya kageeshshi geeshsha mitiiꞌmattosihu isi mannu maati? Kageeshshi geeshsha qarramattosihu isi mannu maati?” (Far. 144:3) Daawiti Yihowa iso seekke afinosita dihuluullamino. (1 Dud. 17:16-18) Aterano, Yihowa Qaalisinna dirijjitesi widoonni isira leellishootto baxille afinota buuxisinohe. Hanni tenne ammanatto gede kaaꞌlitannoheta Qullaawu Maxaafi giddo noo qummeeshshuwa lai.
• Yihowa ilamattora albaanni nafa afinohe.—Far. 139:16.
• Yihowa wodanikkira noorenna hedokki afino.—1 Dud. 28:9.
• Yihowa baalanta huuccattokki macciishshanno.—Far. 65:2.
• Assattori Yihowa hagiirsiisara woy dadillisara dandaanno.—Law. 27:11.
• Yihowa isiwa daatto gede assinohe.—Yoh. 6:44.
• Yihowa seekke afinohe daafira reyotenni kayisannohe. Isi mannimmakki haaroonsanno; hattono xaate gedee surrenna akatta heedhannohe gede assannohe.—Yoh. 11:21-26, 39-44; Soq. 24:15.
AMMAJJE 27–BADHEESSA 5
MAGANU QAALI GIDDO NOOTA MUXXE JIRO | 1 DUDUWO 20-22
“Wedellootaho Qinaannonsa Gede Kaaꞌlensa”
“Ammanamino Labballira Looso Uyiyye”
8 Umi Duduwo 22:5 nabbawi. Daawiti Selemooni konne batiꞌra looso loosiisa dandaannokkihu gede asse hedinoha ikkara dandaanno. Qoleno, minnannihu Qullaawu mini ‘lowo geeshsha biifadoho’; hattono hakka waro Selemooni ‘anje afiꞌrinohonna’ ‘egennosi lowota ikkitinokkiho.’ Ikkirono, Daawiti Selemooni uyinannisi looso loosanno gede Yihowa kaaꞌlannosita afino. Konni daafira, Daawiti isi assa dandaannori aana illachishino yaano minate hasiisannore qixxeessino.
“Ammanamino Labballira Looso Uyiyye”
7 Daawiti minnanniha qullaawa mine wolu manni minino yinanni yee hede kaaꞌla digiwino. Qoleno, minnoonni mine Daawiti mine ikkikkinni Selemooni mine yine woshshinoonni. Daawiti hedinore assara fajjinoonnisikki daafira dadillinoha ikkara dandaanno; kayinni isi looso woꞌmunni woꞌma kaaꞌlino. Isi loosanno manna, hattono siwiila, camo, birra, culkanna daguwu xaawula gamba assino. Hakkiinni saeno isi Selemooni togo yee jawaachishino: “Xaano beettoꞌya, Kaaliiqi ledokki heeꞌro! Coyiꞌrino garinni Maganikki Kaaliiqi mine minatto gede isinni qineessohe.”—1 Dud. 22:11, 14-16.
Annuwanna Amuuwa, Oosoꞌne Cuuantanno Gede Kaaꞌlitinanni Heedhinoonni?
14 Songote cimeeyye ayyaanaamittete allaalaasine ikkitino daafira, ayyaanaamittete mixo daafira gara ikkinore coyidhe annuwanna amuuwa kaaꞌla dandiitanno. Mitte 70 saꞌꞌanno diro woꞌma yanna suwisaancho ikkite soqqantino rodoo lewu diri qaaqqo heedheenna Roduu Chaarlisi Teezi Raasili kulinoseri kaaꞌlinoseta coyidhino. Tini rodoo “Isi ledo ayyaanaamittete mixoꞌya daafira, 15 daqiiqa hasaamboommo” yitino. Ee, woloota jawaachisha lowo geeshsha kaaꞌlitanno. (Law. 25:11) Cimeeyye Gambooshshu Addaraashe giddo loossanno wote, mito coye annuwunna amuuwu hattono oosonsa ledo loosanna qaaqquulleho dandoonsanna dirinsa ledo sumuu yaanno looso aa dandiitanno.
15 Songote miillano wedellaho heddannota leellishshe annuwanna amuuwa kaaꞌla dandiitanno. Mittu qaaqqi ayyaanaamittetenni lophanni noota leellishannore assanna wodanchitinoonniha ikkara dandaanno. Lawishshaho isi gambooshshunniwa dancha dawaro qolinoha, woy Kiristaanu Heeshshonna Soqqansho Gambooshshiwa kifile shiqishinoha ikkara dandaanno. Woy qole iillinosi fonqolo qeele sainoha woy rosu mine afiꞌrino faro horoonsiꞌre farciꞌrinoha ikkara dandaanno. Hatto assinota affinoonniha ikkiro wodaninni galattesi. Gambooshshu hanafara albaanninna goofihu gedensaanni, qaaqquullu ledo hasaawate mayira diwoꞌnaaltinanni? Togo assitinanniha ikkiro, qaaqquullu “lowo songo” miilla ikkitinota huwattanno.—Far. 35:18.
Maganu Qaalinni Ronseemmore
w05 10/1 11 guf. 6
Umi Duduwi Maxaafita Luphi Yitino Hedo
21:13-15. Yihowa sokkaasincho qoomama uurrisanno gede hajajinohu mannisi shetto leeltinosi daafiraati. Addanko, ‘maarosi’ lowote!
Lallawo
Wedella—Cuuamate Qixxaawa Dandiitinannihu Hiittoonniiti?
10 Qullaawu Maxaafi, “loosu nookki ammana umise reyitinote” yaanno. (Yaq. 2:17) Jawaata ammana nooheta loosunni leellisha hasiissannohe. Hiittoo loosinni? Qullaawu Maxaafi, kuni loosi ‘qullaawa amanyoote harunsanna Maganoho galloommore ikkanke leellishannore assa’ ikkinota kulanno.—2 Pheexiroosi 3:11 nabbawi.
11 ‘Qullaawa amanyoote harunsattota leellishate’ amanyootu xuri noohekkiha ikka hasiissannohe. Ati tenne assitanni nootto? Lawishshaho, hanni saihu lewu agani daafira hedi. ‘Wodanchate dandookki’ garanna gara ikkinokkire badate qajeelsiꞌroottota leellishoottohu hiittoonniiti? (Ibi. 5:14) Fonqolu tuncu yeennahe woy darawokki gara ikkinokkire assattora xixxiibbeennahe qeelte saootto yanna qaagatto? Rosu mine amanyootikki wolu mannira dancha lawishsha ikkannoho? Ledokki rossannori qacifattannoheta hooꞌlate yite insa gede ikka agurte Yihowara ammanamoottoha ikkatto? (1 Phe. 4:3, 4) Hige manna baalaho guuntete xeꞌne nooti egennantinote. Yihowara lowo diro soqqamanni keeshshino manchi nafa ammanasi daafira mannu albaanni fule coyiꞌra waajjishannosiha ikkara dandaanno. Ikkollana, isonooto Yihowara sayise uyino manchi Maganu suꞌma duqqasinni disaalanno; hattono amanyootisinni tenne leellishanno.
12 ‘Maganoho galloommore ikkanke leellishannore’ yiniri maati? Songote giddo assineemmori lawishshaho, gambooshshe haꞌranna sabbakate looso loosa Maganoho galloommore ikkanke leellishannoreeti. Wolu manni laikki assineemmoti ayyaanaamittete millimmo lawishshaho, callootinke huucciꞌneemmo huuccattonna gillete xiinxallono tenne leellishshannote. Heeshshosi Yihowara sayise uyino manchi, tenne ceeꞌmishannori gede asse dihedanno. Hatteentenni isira Daawitite gedee lao heedhannosi; Daawiti togo yiino: “Maganoꞌya, fajjokki assa tashshi assitannoe; higgekkino giddoꞌya no.”—Far. 40:8.
13 Wedellu Xaꞌmanno Xaꞌmonna Mala Ikkitanno Dawaro Xiraaze 2 (Amaaru Afoo) yaanno maxaafira qoola 308nna 309 aana mixo fushshiꞌrate kaaꞌlanno rosiishshi no. Konni rosiishshi giddo aante noo xaꞌmuwara dawaro qolatto bayichi no. Insano, “Huucciꞌratto yannara mito coye badde kulatto? Huucciꞌratto huuccatto Yihowara noohe baxilli daafira maa buuxissanno?” “Gillete xiinxallo yannara maa maa xiinxallatto?” “Annikkinna amakki Maganoho soqqama aguriro nafa ati agurittokki soqqamatto?” Qoleno konni rosiishshi giddo huuccatto, gillete xiinxallonna soqqansho lainohunni fushshiꞌra hasiꞌratto mixo borreessatto bayichi no.
14 Cuuamate hedanni noohu batinyu wedelli kuni rosiishshi lowo geeshsha kaaꞌlannoha ikkinota huwatino. Tilda yinanniti wedellitte rodoo togoo yitino: “Konne rosiishsha horoonsiꞌre mixo fushshiꞌrumma. Mitte mittenta mixo wonshiꞌrumma, hattono mittu diri gedensaanni cuuamate qixxaawumma.” Kuni rosiishshi Patiriki yinanniha wedellicha rodoono kaaꞌlinosi. Isi togo yiino: “Mixoꞌya maatiro albanni afoommoha ikkirono, tenne mixo borreessaꞌya ise wonshiꞌrate jawaate looseemmo gede assitinoe.”
15 Konni rosiishshi giddo noote lowo geeshsha hasiissanno xaꞌmo giddo mitte, “Annikkinna amakki hattono jaallakki Yihowara soqqama agurturo nafa ati soqqamatto?” yitannote. Ateneeto sayisse uyite cuuante Kiristaancho ikkoottohura Yihowa albaanni xaꞌmamattohu ateeti. Yihowara soqqamattohu wolu manni woy annikkinna amakki isira soqqamannohura ikka dihasiissannosi. Qullaawa amanyoote harunsattota leellishanna Maganoho galoottoha ikkakki leellishannore assa halaale umikkiha assiꞌroottotanna cuuamate qixxaabbanni noottota leellishshanno.