Maganu Jaalla Ayeooti?

Yesuusi Kiristoosi Yihowa Beettootinna muxxe jaalasiiti. Yesuusi manna ikke uullate aana heeꞌrara albaanni, iima jawaata ayaanu kalaqama ikke heeꞌrino. (Yohaannisi 17:5) Hakkunni gedensaanni uullara daye mannaho Maganunnire halaale rosiisino. (Yohaannisi 18:37) Ledeno hajajamanno manna cubbunninna reyotenni wodara heeshshosi sayise uyino. (Roomu Sokka 6:23) Xaa yannara Yesuusi Maganu Gashshootira Mootete; konni iimi Gashshooti ragaanni uulla gannate assanno.—Ajuuja 19:16.

Sokkaanono Maganu jaallaati. Sokkaano mannu ooso gede uulla kalaqantinore diꞌꞌikkitino. Maganu uulla kalaqara albaanni iima kalaqantino. (Iyyoobi 38:4-7) Miliyoonete kiirranni sokkaano no. (Ajuuja 5:11) Kuri iima Maganu jaalla ikkitinori mannu Yihoware halaale rosara hasidhanno.—Ajuuja 14:6, 7.

Maganoho uullate aanano jaalla noosi, insano farciꞌraasineꞌyaati yaannonsa. Yoote minira shiqino farciꞌraasinchi mittu coyire woy mittu manchire afinore farciꞌranno. Yihowa Farciꞌraasineno Yihowarenna hedosire affinore wolu mannira kultannoreeti. (Isayyaasi 43:10) Iimi sokkaano gede, Farciꞌraasinesino Yihoware halaale afatto gede kaaꞌlitahera hasidhanno. Atino Maganu jaala ikkattora halchonsaati.