Gafa 7 Bitima

Kuni gafi mito 80 diro ikkitanno yanna giddo woꞌmitinota Moote Saaoolinna Moote Daawiti xagge kulanno. Umi qara Saaooli umosi heeshshi assannohonna Magano waajjannoho; ikkollana isi shiima yanna gedensaanni Yihowa biddishsha harunsa giwino. Yihowa Saaooli agure, Saamueeli Daawiti Israeelete moote asse shoomanno gede kulinosi. Saaooli tennera hinaase Daawiti shaate duucha hige woꞌnaalino; Daawiti kayinni iso dirabbisiꞌrino. Saaooli beetti Yoonaataani, Yihowa doorinohu Daawiti ikkinota afino daafira, isira ammanamino. Daawiti lowo cubbo loosino woyiti nooha ikkirono, Yihowa amaalinosi amaale adha digiwino. Ooso iloottoha ikkiro, qaaqqikki woꞌmanka woyite Yihowaranna Isi doorino mannira hajajamanna ammanama hasiissannosihu mayiraatiro huwatanno gede kaaꞌli.