ROSO 12
Qullaawa Maxaafa Xiinxalla Agurattokki Gede Kaaꞌlannoheri Maati?
Qullaawa Maxaafa xiinxalla lowore kaaꞌlitannoti egennantinote. Kayi togoo xiinxallo woꞌmanka woyite shotate yaa diꞌꞌikkitino. Mito woyite, ‘Qullaawa Maxaafa agurummokki xiinxalla dandeemmokka?’ yite hedattoha ikkara dandaanno. Ikkinita ikkine agurrikki xiinxalla gaabbissannota diꞌꞌikkitino yineemmohu mayiraati? Qarrisannori heeꞌrirono xiinxallo agurattokki gede kaaꞌlannoheri maati?
1. Qullaawa Maxaafa xiinxalla lowore kaaꞌlitanno yineemmohu mayiraati?
“Maganu qaali lubbo afiꞌrinohonna loosannoho.” (Ibiraawoota 4:12) Qullaawu Maxaafi Maganu hedonna isi ate baxanno gara kulannohe daafira lowore kaaꞌlannohe. Egenno afiꞌratto gede calla ikkikkinni addu hayyonna hexxo heedhannohe gedeno kaaꞌlannohe. Roorenka kayinni, Qullaawu Maxaafi Yihowa jaala ikkatto gede kaaꞌlannohe. Qullaawa Maxaafa xiinxallatto woyite, Maganu Qaali wolqa heeshshokki seekkitanno gede assidhanni nootto.
2. Qullaawu Maxaafi halaali lowore ikkinota huwata hasiissannohu mayiraati?
Qullaawu Maxaafi giddo noo halaali muxxe jirooti. Qullaawu Maxaafi, “Halaale afiꞌri ikkinnina huꞌnitooti” yaannohu iseraati. (Lawishsha 23:23) Qullaawu Maxaafi halaali muxxe jiro ikkinota huwantummoro, guficho ikkannori heeꞌriro nafa agurrummokki xiinxallate sharrammeemmo.—Lawishsha 2:4, 5 nabbawi.
3. Yihowa agurittokki xiinxallatto gede kaaꞌlannohehu hiittoonniiti?
Yihowa Woꞌmanka Dandaanno Kalaqaanchonna Jaalakki ikkino daafira, iso afatto gede kaaꞌlahera hasiꞌranno. Isi hasattono hasiissanno wolqano aahera dandaanno. (Filiphisiyusi Sokka 2:13 nabbawi.) Konnira, mito woyite xiinxallate woy rosoottore loosu aana hosiisate hasatto ajjuhero, isi kaaꞌlannohe. Guficho ikkannore qeelate woy mannu giwannoheta dandaate wolqa ledahera huucciꞌrittoro, isi aannohe. Qullaawa Maxaafa agurittokki xiinxallatto gede kaaꞌlahera Yihowa ganyite huucciꞌri.—1 Teselonqe 5:17.
LEDDE XIINXALLI
Loosu batiꞌriherono woy mannu xiinxallattota giwirono Qullaawa Maxaafa agurittokki xiinxalla dandaatto gara rosi. Hakkiinni Yihowa xiinxallokki agurattokki gede kaaꞌlannohe gara rosatto.
4. Qullaawu Maxaafi xiinxallokki balaxisiisi
Mito woyite loosu kokke iillannonke daafira, Qullaawa Maxaafa xiinxallate yanna noonkekkiha lawankera dandaanno. Hattoo woyite mayi kaaꞌlankera dandaanno? Filiphisiyusi Sokka 1:10 nabbabbe; hakkiinni aante noo xaꞌmuwa hasaabbe:
Heeshshonke giddo “woyyanno” woy roore hasiisanno coyi giddo mitu maa lawannohe?
Qullaawu Maxaafi xiinxallokki balaxisiisa dandaattohu hiittoonniiti?
Baaldete giddo balaxxe shaafa worte kaꞌe kinna worate woꞌnaalittoro, kinna woratto bayichi diheeꞌranno
Balaxxe kinna worittoro kayinni, rooriidi shaafa woratto bayichi gatannohe. Hatteente gede, heeshshokki giddo roore hasiisanno coye balaxisiisittoro, hakkoye coye assiteenna wolurira ikkitanno yanna nafa gattannohe
Qullaawa Maxaafa xiinxallinummoro, ayyaanaamittete hasattonke yaano Magano afatenna magansiꞌrate noonke hasatto woꞌmitanno. Maatewoosi 4:4 nabbabbe; hakkiinni aante noo xaꞌmo hasaabbe:
Heeshshonke giddo Qullaawu Maxaafi xiinxallo balaxisiisanke kaaꞌlitannonkehu hiittoonniiti?
5. Xiinxallattota mannu baxa hoogirono kaajjite uurri
Mito woyite, mannu Qullaawa Maxaafa xiinxalla aguratto gede assate woꞌnaalara dandaanno. Hanni Firansisko lawishsha laꞌno. VIIDIYO laꞌe; hakkiinni aante noo xaꞌmuwa hasaabbe.
Tenne viidiyo giddo, Firansisko Maganu Qaalinni rosinore kulinsata jaallasinna maatesi hiitto ikkitino?
Isi kaajje uurrasinni baꞌraaꞌrinohu hiittoonniiti?
Layinki Ximootewoosi 2:24, 25 nabbabbe; hakkiinni aante noo xaꞌmuwa hasaabbe:
Minikki manninna jaallakki, Qullaawa Maxaafa xiinxallitanni noottota laꞌanno woyite mayitanno?
Kuni qummeeshshi kulanno garinni, mittu manchi Qullaawa Maxaafa xiinxallootto daafira hagiidha hoogiro maa assa hasiissannohe? Mayira?
6. Kaaꞌlannohena Yihowa addaxxi
Yihowawa shinqummo kiiro, albinni roore iso hagiirsiisa hasiꞌneemmo. Ikkirono, isi seeri garinni heeꞌrate heeshshonke giddo mitore biddi assiꞌra shota ikka hooggankera dandiitanno. Aterano hatto lawannoheha ikkiro, hexxo mudhitooti. Yihowa kaaꞌlannohe. VIIDIYO laꞌe; hakkiinni aante noo xaꞌmuwa hasaabbe.
Tenne viidiyo giddo, Jiimi Yihowa hagiirsiisate maa maa agurino?
Isi xagge hedatto woyite dhagge ikkannoheri maati?
Ibiraawoota 11:6 nabbabbe; hakkiinni aante noo xaꞌmuwa hasaabbe:
Yihowa iso afatenna hagiirsiisate sharramanno mannira maa assanno?
Ati Qullaawa Maxaafa xiinxallate assattore laꞌꞌanno woyite Yihowara mayi macciishshamannosiha lawannohe?
MITU MANNI TOGO YEE XAꞌMARA DANDAANNO: “Yihowa Farciꞌraasine ledo Qullaawa Maxaafa xiinxallitanni noottohu mayiraati?”
Mayite qolatto?
XAPHISHSHA
Mito woyite injaa hoogihero nafa, Qullaawa Maxaafa xiinxallakki hegerera hagiidhitanni heeꞌratto gede kaaꞌlitannohe. Yihowa addaxxa agurtooti; isi baꞌraasannohe.
Kageeshsha Rosoottore
Qullaawu Maxaafi halaali muxxete yaattohu mayiraati?
Roore hasiisanno coye badde afittohu gedensaanni, maa assa hasiissannohe?
Qullaawa Maxaafa agurittokki xiinxallatto gede kaaꞌlahera Yihowa huucciꞌra hasiissannohehu mayiraati?
EGENNO LEXXI
Batinyu manni yannansa danchu garinni horoonsiꞌranno gede kaaꞌlitinota shoole hayyo wodanchi.
“Yannakki Hayyotenni Horoonsiꞌra Dandaatto Gara” (Baqqi Yiiyye!, Ammajje 2014)
Mitte mancho minaannise, ise Magano hagiirsiisate sharrantanni noohu mayiraatiro leella hoogeennasi qarrisinose. Yihowa ise kaaꞌlino gara huwati.
Mitto mancho minaamasi cincase kaaꞌlitinosihu hiittoonniitiro wodanchi.
Mito woyite Yihowa Farciꞌraasine maate diigganno yine kassansanni. Kayi hatti addaho?
“Yihowa Farciꞌraasine Maate Diiggannonso Dhaabbanno?” (Webisayitenkera fultino borro)