FAANA GANA
ROSO 9
Mararro
Xintu seera: “Hagiidhitannori ledo hagiidhe; wiꞌlitannori ledo wiꞌle.”—Rom. 12:15.
Yesuusi Assinore
1. VIIDIYO laꞌe; woy Maarqoosi 6:30-34 nabbabbe. Hakkiinni, aante noo xaꞌmuwa hiince:
Yesuusinna soqqamaasinesi “mannu nookkiwa higge” haꞌrate heddinohu mayiraati?
Yesuusi manna rosiisanno gede kakkayisinosiri maati?
Yesuusi Assinorinni Maa Ronseemmo?
2. Mararro, dudumbeemmo sokka calla heda agurre manna kaaꞌlate kaꞌneemmo gede assitannonke.
Yesuusi Faale Hadhe
3. Seekkitine macciishshe. Manchu giddosita fushshe coyiꞌranno gede asse. Coyiꞌranna mereero eꞌinoonte; woy hedosi, yaaddosi, woy dhiwinosire lashshi assitine saꞌinoonte. Seekkitine macciishshaꞌne, hedosi ayirrissinannita leellishshanno.
4. Hasatto noosi manchi daafira hedde. Hasaabbinoonni hasaawa heddinanni togo yitine kiꞌneneeto xaꞌme:
‘Kuni manchi halaale afa hasiissannosihu mayiraati?’
‘Qullaawa Maxaafa xiinxalliro xaa heeshshosino ikko geedosi seekkannohu hiittoonniiti?’
5. Isira hasiissanno mashalaqqe kullesi. Dandaamiro mulenni, Qullaawa Maxaafa xiinxalliro xaꞌmosira dawaro afiꞌranno garanna heeshshosira kaaꞌlitanno amaale afiꞌranno gara leellishshesi.