Gambooshshe Daanno Manni Mashalaqqe

BAINOHA ANFOONNI UDUUNNE Bainoha anfe haaꞌnoonni uduunne baala togoo uduunne worate qixxeessinoonni base massa hasiissanno. Uduunnu baiꞌnero, baino uduunne haaꞌne worranni basenni layidhine adha dandiitinanni. Annunna amatewiinni baxxe baino qaaqquulle affiniro, ballo baino uduunne worranni base masse. Ikkeennano, tini base qaaqquulle awuuntara qixxeessinoonnita diꞌꞌikkitino. Qaaqquulleꞌne kiꞌne umiꞌne towaaxxe ballo; qoleno kiꞌnewiinni baxxitoonke.

CUUAMME Baxxitino qixxaawo hooggu geeshsha, cuuamate qixxaabbinori ofoltanno base gambooshshu bayicho madirakete albaanni bande malaatinsanni. Cuuantannori Qidaamete soodo cuuamaanote lallawo shiqqara albaanni, insara qixxeessinoonni basera ofolla hasiissannonsa. Cuuamate qixxaawinohu mittu mittunku, cuuamate injiitanno uddanonna fooxa adhe daa hasiissannosi.

FUSHSHO Ofollinanni wombarranna huurote uduunne shiqishate, hattono tini gambooshshu pirogiraame baxissannotanna Yihowawa roore shinqeemmo gede kaaꞌlitannonketa ikkitanno gede assate lowo woxe fushshinoonni. Umiꞌne fajjonni fushshitinanni fushsho, tenne baalante hajora baantanni; hattono alamete doyicho loosonke kaaꞌlate sonkanni. Gambooshshu basera, fushshote saaxine injaannoꞌnewa worroonni. Donate.jw.org widoonnino fushsho fushsha dandiinanni. Fushshitinanni fushsho baalantera lowo geeshsha galanteemmoꞌne. Aliidi Bisi, Maganu Gashshooti looso kaaꞌlate shaqqillunni fushshitinanni fushshora galatannoꞌne.

MEESSI FAJJONNI SOQQAMA Qoqqowu Gambooshshi ledo xaadooshshe afiꞌrino looso umiꞌne fajjonni kaaꞌla hasidhiniro, kaaꞌlo woy owaante hasiissanno basera wortannoꞌne gede, ballo togoo owaante qineessanno golira noo roduuwira kulle.

OFOLLINANNI BASE Ballo wolu manni daafirano hedde. Ofollinanni base amada dandiitinannihu maateꞌnera, kiꞌne ledo mittu makeeninni dayino mannira, ledoꞌne mitto mine heeꞌranno mannira, woy Qullaawa Maxaafa xiinxallissinanni mannira calla ikkinota deꞌinoonte. Amaddinoonni base agurranna wole wombarera uduunne wortinoonte ballo.

SHIIMA XAGISHSHU KAAꞌLO Tenne qixxaawo assinoonnihu, hedeweelcho xiwamanno mannira calla ikkinota deꞌinoonte ballo.

SOQQAMAANO Soqqamaano owaataano worroonnihu kiꞌne kaaꞌlitaraati. Makeena uurrinsanni base, saꞌnanni doogora uurra, ofollinanni base amada woy wole togoore lainohunni biddishsha uyitannoꞌne woyite maahoyye yiiyye ballo.

Yihowa Farciꞌraasinehu Aliidi Bisi Qixxeessinoho