QULLAAWU MAXAAFI XAꞌMONNA DAWARO
Yoote Barri maati?
Yoote barri hagiirsiisannoho yineemmohu mayiraati?
Biꞌre Maganu mannasi miincannita hoolate addi addi daanyoota horoonsiꞌrino. (Mesaafinti 2:18) Qullaawu Maxaafi, albillitte daannohu Yoote Barri uulla woꞌmate Daanyi Yihowa mannu ooso taashshote xeꞌnenni gatisannota hagiirsiissanno yanna ikkinota kulanno.—Faarso 96:12, 13; Isayyaasi 26:9 nabbawi.
Maganu heeshshote nooriranna reyitinorira taalo yoo yaanno gede Yesuusa shoomino. (Looso 10:42; 17:31) Lowo manni Maganu daafira rosikkinni reyino. Yoote Barra Yesuusi togoo manni halaalaanchu Magani daafira rosannonna iso baxanno faro afiꞌranno gede reyotenni kayisanno.—Hawaariyaatete Looso 24:15 nabbawi.
Yoote Barri kume diro keeshshannohu mayiraati?
Reyino manni kumu diri yannara kaꞌꞌanno. (Ajuuja 20:4, 12) Insara Maganu doogo rosatenna isira hajajamate yanna hasiissannonsa. Lowo manni hedanno gede ikkikkinni, reyotenni kaꞌꞌanno mannira yoo yinannihu reyotenni kaihu gedensaanni assanno coyi garinni ikkinota Qullaawu Maxaafi kulanno.—Roomu Sokka 6:7 nabbawi.
Qullaawu Maxaafi, kumu diri hanafara albaanni hedeweelcho daannohu yoote barri nootano kulanno. Tenne metseetera aaniidi qoolihu coyi umira laꞌnummonte gede, hakkoye yoote barra goofimarchoho yinanni. Maganu hakko barra Maganiweelonna bushuulle manna gudanno. (2 Pheexiroosi 3:7) Konni daafira Magano banxeemmota leellishannore assa hasiissannonke.—2 Pheexiroosi 3:9, 13 nabbawi.
Konne maxaafa http://jw.org/sidaanano afiꞌra dandaatto