AANIIDI QOOLIHA COYI UMO | YIHOWA FARCIꞌRAASINE HIITTOO MANNAATI?
Sabbankeemmohu mayiraati?
Minunni mine haꞌne, gudumaaleho, hattono manna anfanniwa baalankawa loonseemmohu sabbakate loosinke geeshsha wole ammaꞌnowiinni baxxine egennammeemmo gede assinonkehu wolu coyi dino yaa dandiinanni. Konne assineemmohu mayiraati?
Yihowa Farciꞌraasine sabbakkannohu Maganu ayirranno gede assateetinna suꞌmasi mannu afanno gedeeti. (Ibiraawuyaani 13:15) Qoleno Yesuusi Kiristoosi togo yee hajajino hajajo ayirrinseemmo: “Hadhine duuchante daga manna . . . rosaano asse; hajajoommoꞌnere baalankareno agadhitanno gede rosiissensa.”—Maatewoosi 28:19, 20.
Hakkiinni saeno, konne assineemmohu olliichonke banxeemmo daafiraati. (Maatewoosi 22:39) Hige rooru mannira uminsa ammaꞌno noonsatanna sabbankeemmo sokka baalunku manni adhanno yaa ikkitinokkita anfoommo. Hakkoyeno ikkiro, Qullaawu Maxaafi rosiisannori heeshsho gatisannoha ikkinota huwantoommo. Umi xibbi diri Kiristaaninte gede “Kiristoosi daafira kulannoha dancha duduwo agurrummokki dudumbeemmohunna rosiinseemmohu” iseraati.—Hawaariyaatete Looso 5:41, 42.
Dagoomu hajo daafira xiinxallannohu Antooniyo Kowa Maduuro, “Yihowa Farciꞌraasine qullaawu qaali uullate qacce geeshsha iillanno gede assate, . . . baasa daafurta geeshsha sharrantanno garanna qarrantanno gara” xawise borreessino. —Eli Yuniversaali gaazeexa, Venizuweela
Borronke nabbawannohu rooru manni Yihowa Farciꞌraasine diꞌꞌikkinoho. Qoleno ninke ledo Qullaawa Maxaafa xiinxallannohu lowo miliyoone ikkanno manni uminsa ammaꞌno noonsareeti. Ikkollana insa Yihowa Farciꞌraasine mininsara marte hasaawissannonsa wote hagiidhitanno.
Hige Yihowa Farciꞌraasine daafira wole xaꞌmono heedhahera dandiitanno. Xaꞌmokkira dawaro afiꞌrate aane noore assattora koyinsoommohe.
Yihowa Farciꞌraasine giddo mitto xaꞌmi.
www.jw.org/sid yinanni webisayitenke daaꞌꞌati.
Gambooshshenke amo; konni gambooshshira woxe dibaantanni, hattono baalunku manni daa dandaanno.