Qullaawu Maxaafi Mayyaanno?

Qarra abbannohu Maganohoni?

Atera ma lawannohe?

• Ee

• Deeꞌni

• Ikkara dandaanno

Qullaawu Maxaafi yaannore

“Woꞌmanka Dandaanno Magani, horontanni busha coye diassanno.” (Iyyoobi 34:10) Konni daafira, alamete aana noo bunshenna qarra abbinohu horonta Magano diꞌꞌikkino.

Qullaawu Maxaafinni wolere maa ronseemmo?

• Qarraho qaru kori tenne alame ‘gashshaancho’ ikkinoho Sheexaane Daawuloosiiti. —Yohaannisi 14:30.

• Duucha wote qarrahonna bushu coyira kaimu mannu assanno coye ikkara dandaanno.—Yaiqoobi 1:14, 15.

Qarru heeꞌrannokki yanna dagga ikka?

Mitu manni mitteenni sharrammiro, qarra huna dandiinanni yee hedanno; wolu kayinni alame woyyaabbannokki deerra martanni no yee hedanno. Atera ma lawannohe?

Qullaawu Maxaafi yaannore

Maganu qarra feye hunanno. “Reyo woy dadillu woy wiꞌla woy shetto kunni kaꞌa diheedhanno.”—Yohaannis Ajuuja 21:3, 4.

Qullaawu Maxaafinni wolere maa ronseemmo?

• Maganu Daawuloosi abbino qarra hunannohu Yesuusi widoonniiti. —1 Yohaannisi 3:8.

• Danchu manni albillitte uullate aana salaametenni hegerera heeꞌranno. —Faarso 37:9-11, 29.