Yihowara Maa Aa Dandiineemmo?

YESUUSI, “Adhannonkunni aannohu baꞌraaꞌrinoho” yiino. (Soq. 20:35) Konne xintu halaale harunsa Yihowa ledo noonke jaalooma kaajjishshanno. Hiittonni? Yihowa hagiirraamma ikkineemmo gede kiire gundannikki aamamooshshe uyinonke; ninkeno Yihowara aamamooshshe uyine roore hagiirre afiꞌra dandiineemmo. Ikkina Yihowara maa aa dandiineemmo? Lawishsha 3:9, “Jirokki aaninni . . . fushshaate assite aatenni Kaaliiqa ayirrisi” yitanno. ‘Jirote’ yaa yannankeeti, dandoonkeeti, wolqankeetinna woxenkeeti. Tenne jironke addu magansiꞌra halashshate horoonsiꞌneemmo woyite, Yihowara aamamooshshe uyinanni heeꞌnoommo yaate; tini qolte lowo hagiirre afiꞌneemmo gede assitannonke.

Jironkenni Yihowara aamamooshshe aate badhera hingeemmokki gede kaaꞌlannonkeri maati? Soqqamaanchu Phaawuloosi Qorontoosira heeꞌranno Kiristaani “mittu mittunku noosi woxi aaninni” fushsho fushshanno gede kulinonsa. (1 Qor. 16:2) Qooxeessikkira fushsho fushshinanni gari daafira roore mashalaqqe afiꞌrate ma assa dandaatto? Aante noo saaxine lai.

Interneetete widoonni fushsho fushsha dandiinannihu baalante gobbara diꞌꞌikkino. Ikkirono wole doogonni fushsho fushshate webisayitete aana mashalaqqe afiꞌra dandaatto. Mite gobbara, fushsho fushshate daafira duucha hinge xaꞌminoonni xaꞌmuwara tenne webisayite aana dawaro qolloonni.