Agarooshshu Shaeta INTERNEETETE LAYIBIRERE
Agarooshshu Shae
INTERNEETETE LAYIBIRERE
Sidaamu Afoo
  • QULLAAWA MAXAAFA
  • ADDI ADDI BORRO
  • GAMBOOSHSHE
  • wp20 Kir. 2 qool. 14-15
  • Xaanni Maganu Mangiste Doodhi!

Doodhootto borrora viidiyo dino.

Hasi'rootto viidiyo fa'nama didandiitino.

  • Xaanni Maganu Mangiste Doodhi!
  • Yihowa Mangiste Egensiissannota Agarooshshu Shae (Ellannita)—2020
  • Cinaancho Birxichuwa
  • Fiixxanno Birxichuwa
  • BALAXXE MAGANU MANGISTE HASIꞌRATTO?
  • Maganu Mangiste Maati?
    Yihowa Mangiste Egensiissannota Agarooshshu Shae (Ellannita)—2020
  • Maganu Mangiste Maati?
    Yihowa Mangiste Egensiissannota Agarooshshu Shae (Xiinxallote Ittime)—2016
  • Maganu Mangiste Daafira Kulanno Halaale
    Yihowa Mangiste Egensiissannota Agarooshshu Shae (Ellannita)—2020
  • “Mangistekki Daggo”​—Lowo Miliyoone Ikkanno Manni Huucciꞌranno Huuccatto
    Yihowa Mangiste Egensiissannota Agarooshshu Shae (Ellannita)—2020
Yihowa Mangiste Egensiissannota Agarooshshu Shae (Ellannita)—2020
wp20 Kir. 2 qool. 14-15
Qullaawa Maxaafa nabbawara albaanni huuccatto assiˈranni noo mancho.

Xaanni Maganu Mangiste Doodhi!

Heeꞌratto qooxeessa wolqaataame hombobalatte gantaraati. Gashshootu, “KONNI QOOXEESSINNI FULTINE WOLEWA XOOQQE!” yee lallawino. Ikkina ati maa assatto? Hombobalatte iillitannokkiwa xooqattotti egennantinote!

Yesuusi bayira qarra yiinoti lawishshu hombobalatte muli yannara uulla gantanno. (Maatewoosi 24:21) Konne qarra wole qooxeessa xoonqe gata didandiineemmo. Ikkollana umonke gatisate assa dandiineemmori no. Maa assa dandiineemmo?

Yesuusi Kiristoosi ilaalaho sabbakanni heeꞌre, “Balaxxine Maganu Gashshootenna keeraanchimmasi hasidhe” yee hajajino. (Maatewoosi 6:33) Ikkina hatto assa dandiineemmohu hiittoonniiti?

Balaxxe Maganu Mangiste hasiꞌri. Hatto yaa, heeshshonke giddo baalunkurinni roorsine Maganu Mangiste balaxisiisa hasiissannonke yaate. (Maatewoosi 6:25, 32, 33) Hatto assa hasiissannonkehu mayiraati? Korkaatuno alamete aana noo qarra mannu ooso hoolte affannokki daafiraati. Hoola dandiitannoti Maganu Mangiste callate.

Keeraanchimmasi hasiꞌri. Maganunnita keeraancho higgenna xintu seera agadhate dandaaminkere baala assa hasiissannonke. Mayira? Korkaatuno, ninkera lawinonkere calla assineemmoha ikkiro, qarru giddo umbeemmo! (Lawishsha 16:25) Maganu biddishsha harunsineemmoha ikkiro kayinni, iso hagiirsiinseemmo, hattono ninkerano seyannonke.—Isayaasi 48:17, 18.

Balaxxe Maganu Mangistenna keeraanchimmasi hasiꞌra agurtooti. Yesuusi, mitootu lowo jiro duuꞌna harshammi yine heeꞌnanni gede assitanno yite hedde kabbi facci yitara dandiitannota kule qorowisiisino. Wolootu kayinni heeshshonsa daafira quwa saꞌe yaaddanno daafira Maganu Mangiste balaxisiisate yanna hoogganno.—Maatewoosi 6:19-21, 25-32.

Yesuusi kayinni Maganu Mangiste doodhino manni xaa yannara heeshshote hasiisannonsare afiꞌrannotanna albillitte qole lowo atoote afiꞌrannota coyiꞌrino.—Maatewoosi 6:33.

Umi xibbi diro heedhinoti Yesuusi rosaano balaxxe Maganu Mangistenna keeraanchimmasi hasidhinoha ikkirono, qarrunna shetto baꞌanna dilaꞌino. Ikkollana hatto assansa agarooshshe ikkitinonsa. Hiittonni?

Yesuusi rosaano Maganunniha keeraancho seera harunsitino daafira, Maganoho hajajamannokki mannira iillannonsa qarrinni gattino. Insa Maganu Mangiste daggannota addaxxitino daafira, buutote qarra dandiite saꞌino. Qoleno iillinonsa qarra cincite saꞌanno gede Maganu “jawa wolqa” uyinonsa.—2 Qorontoosi 4:7-9.

BALAXXE MAGANU MANGISTE HASIꞌRATTO?

Umi xibbi diro heeꞌrino Kiristaani Yesuusi, ‘Balaxxine Maganu Mangiste hasidhe’ yee hajajinonsa hajajo wonshino. Insa hakkawaro, alame woꞌmate Maganu Mangisteha dancha duduwo dudubbino. (Qolasiyaasi Sokka 1:23) Xaa yannara hatto assanno manni nooyya?

Ee no! Yihowa Farciꞌraasine, Maganu Mangiste tenne alame muli yanna giddo huntannota ammantanno. Hakko daafira insa Yesuusi hajajo wonshitanno; isi togo yee hajajino: “Gosa baalate naqaashshe ikkanno gede kuni Maganu Gashshootihu Danchu Duduwi gobba baalate kulamanno; hatte yannara goofimarchu daanno.”—Maatewoosi 24:14.

Ikkina maa assa hasiissannohe? Umi xibbi diro Beeriya yinannihu Meqedooniyu katamira heeꞌranno manni faale haꞌratto gede jawaachinsheemmohe. Insa, Phaawuloosi Maganu Mangisteha dancha duduwo kulinsata ‘hagiirrunni adhitino.’ Hakkiinni macciishshitinori gara ikkasi buuxate, ‘Qullaawa Borro seekkite’ xiinxallitino, hattono rossinore loosu aana hosiissino.—Soqqamaasinete Looso 17:11, 12.

Alamete doyichora heeꞌrannohu miliyoonetenni kiirranni manni Maganu Mangiste doodhino

  1. Yihowa Farciˈraasine mitto mancho minesi marte hasaawissanni no.

    Maganu Mangisteha dancha duduwo macciishshi

  2. Hakku manchi minesi mittu rodii ledo Qullaawa Maxaafa xiinxallanni no.

    Qullaawa Maxaafa seekkite xiinxalli

  3. Hakku manchi gambooshshe haˈre no

    Maganu Mangiste doodhino manni ledo gamba yii

  4. Hakku manchi Qullaawa Maxaafa nabbawara albaanni huuccatto assiˈranni no.

    Maganoho soqqama hasiꞌrattota isira huuccattotenni kuli

Atino hatto assa dandaatto. Balaxxe Maganu Mangistenna keeraanchimmasi hasiꞌrittoro xaa yannara nafa agarooshshe afiꞌratto, hattono albillitte geedote salaamenna harshammo afiꞌratto.

Yihowa Farciꞌraasine daafira ledde afate, jw.org yinanni webisayitenke daaꞌꞌata dandaatto.

Tenne webisayitera 1,000 saꞌꞌanno afiinni mashalaqqe afiꞌra dandaatto.

    Sidaamu Afii Borro (1995-2025)
    Fuli
    Ei
    • Sidaamu Afoo
    • Woleho Soyi
    • Addi Addi Doorsha
    • Copyright © 2025 Watch Tower Bible and Tract Society of Pennsylvania
    • Sheemaate
    • Foju Biddishsha
    • Privacy Settings
    • JW.ORG
    • Ei
    Woleho Soyi