Shiima Waaga Afidhinota Lame Saante

Maganu Mangiste dagganfeemmoti mitte doogo alamete doyichoha sabbakate looso woxunni kaaꞌlate. Ikkina anga anjoommore ikkinummoro ma assa dandiineemmo?

Mitte yannara Yesuusi mitte buxicho gunnitte shiima waaga afidhinota lame saante beetemeqidesete giddo ogoroho wortanna laino. Yihowara noose baxilli “buxxe heedhenni . . . afidhinore baala, heeshshosera ikkannore gudisse” uyitanno gede assinose. (Mar. 12:41-44) Yesuusi tini gunnitte uyitinori Maganu albaanni lowo waaga afiꞌrinota coyiꞌrino. Hattonni umi xibbi diri Kiristaani sabbakate looso woxunni kaaꞌla, dureeyye ikkino Kiristaani callu halaafinate asse dilaino. Hawaariya Phaawuloosi Meqedooniyu roduuwi lawishsha ikkinota kulanni togo yiino: “Lowo geeshsha buxane ikkituro nafa, . . . shaqqillunni uyitara hasidhe huuccidhunke, . . . hattono eegantunke.”—2 Qor. 8:1-4.

Konni daafira ninkeno “shiima waaga afidhinota lame saante” calla uyineemmoha ikkiro nafa, tini corante gamba yituro lowo woxe ikkitannota dea dihasiissannonke. “Maganu hagiirrunni aannoha baxanno” daafira giddonni kaꞌne aa shaqqado iimi annanke Yihowa hagiirsiissanno.—2 Qor. 9:7.