Hasaawa Jammarate Kaaꞌlanno Lawishsha

Aganunnite Umi Qidaamera Qullaawu Maxaafi Xiinxallo Jammarsiisa

“Baalunku manni huuccatto assiꞌranno yanna no yaa dandiinanni. Maganu dino yite ammantannori nafa qarru iillinsata huuccidhino yanna no. Ikkina Maganu baalanta huuccatto macciishshannoha lawannohe?” Dawaro qola geeshsha agari. Woxawaajje 1⁠nite Agarooshshu Shaera badhiidi qoolira noo birxicho leellishittosihu gedensaanni, umi xaꞌmo hunda noo assaawe mitteenni hasaabbe; qoleno ajayi ajeenna mitte xiqise nabbawisi. Metseetta uyitesi kaꞌe, aante noo xaꞌmo hasaawate qaxaro amadi.

Qaagiishsha: Hasaawa jammarate kaaꞌlannohu kuni lawishshi, simirriitete gambooshshi yannara loonse leellinshanni ikkitonni shiqanno gede assa hasiissanno.

Agarooshshu Shae Woxawaajje 1

“Teeda baꞌino misillanna borro batidhino gari lowo manna cannaqisiisanni noo daafira, konne coye mannu ledo hasaambanni haꞌnanni heeꞌnoommo. Wolu batinyu manni kayinni, togoo misillanna borro hili geeshsha nafa gawajjannokki boohaarshi gede asse hedanno. Ati tennera mayyaatto? [Dawaro qola geeshsha agari.] Yesuusi mittu coyi danchahoronna bushahoro gumisinni bande anfannita coyiꞌrino. [Maatewoosi 7:17 nabbawi.] Tini metseete teeda baꞌino misillanna borro laaltino gumi hiittoohoro xawissanno. Qoleno togoore laꞌꞌate gade qeeꞌlate kaaꞌlitanno assaawe amaddino.”

Baqqi Yiiyye! Woxawaajje

“Mannu baalunku dandoommero seeda diro heeꞌra hasiꞌranno yaa dandiinanni. Barrunni mitto barra sayinse hegerera heeꞌnanni gede assa dandiitannoha lawannohe? [Dawaro qola geeshsha agari.] Tenne hagiirsiissanno hexxo lai. [1 Qorontoosi 15:26 nabbawi.] Ikkina Maganu konne eino qaale wonshannohu sayinsete widoonniitinso wole doogonniiti? Xaa yannara geedhineemmohunna reyineemmohu mayiraati? Tenne metseetera, kuri xaꞌmuwara Qullaawu Maxaafi qolanno dawaro no.”