“Ati Oottoe Borro Adheemmo Gede, Atino Aneta Adhi”

Soqqanshote yannara mitu manni hatto yaannonke. Qullaawa Maxaafa xiinxallate qixxaabbino borronke uyine, ise bayicho soꞌro gobba tuqissannota ammaꞌnote borro adha hasiꞌneemmokki daafira, mannu hatto yaannonke wote hayyotenni qola dandiineemmohu ma garinniiti? (Rom. 1:25) Togo yaa dandiineemmo: “Aattoera hedootto daafira galateemmohe. Aattoe borro mannu ooso qarra tirannohu maati yitanno? [Dawaro qola geeshsha agari. ‘Mayitannoro afatto gede adhite nabbawi’ yaannoheha ikkiro, ati borro aattosira kaoottohu yitannore kulittokki ikkinokkita kulisi. Hakkiinnino Maatewoosi 6:9, 10 nabbawi woy assaawe calla coyiꞌri.] Yesuusi Maganu Mangiste Maganu fajjo uullate aana ikkitanno gede assitannota coyiꞌrino. Hakko daafira ani nabbaweemmoti ammaꞌnote borro Maganu Mangistere xawisse kultannote callate. Maganu Mangiste assitannonke coyi giddo mito Qullaawu Maxaafi giddonni leellishoheni?”