Hasaawa Jammarate Kaaꞌlanno Lawishsha

Aganunnite Umi Qidaamera Qullaawu Maxaafi Xiinxallo Jammarsiisa

“Techo kawaange dange mannu ledo hasaambanni heeꞌnoommo. Hasaawinsoommohu duuchu manni iillinonsahu kabbaade qarri giddo mittu shiiro ikkitinota kulinonke. Aterano hatto dilawannohe? [Dawaro qola geeshsha agari.] Hanni sheshifachishannoha mitto coye kuleemmohe.” Birra 1⁠nite Agarooshshu Shaera badhiidi qoolira noo birxicho leellishittosihu gedensaanni, umi xaꞌmo hunda noo assaawe mitteenni hasaabbe; qoleno ajayi ajeenna mitte xiqise nabbawisi. Metseetta uyitesi kaꞌe, aante noo xaꞌmo hasaawate qaxaro amadi.

Agarooshshu Shae Birra 1

“Manna Qullaawa Maxaafa nabbabbe yinanni jawaachinshanni heeꞌnoommo. Mitu manni Qullaawa Maxaafa nabbawa baxanno; mitu kayinni hakkeyi geeshsha dihasiꞌranno. Atina hiittooti? [Dawaro qola geeshsha agari.] Qullaawu Maxaafi xawise togo yaanno. [1 Teselonqe 2:13 nabbawi.] Qullaawu Maxaafi Maganu Qaale ikkino daafira konne maxaafa nabbawa hasiissannonke yiniro, atino garaho yaattoha lawannoe. Tini metseete Qullaawu Maxaafi amadino sokka maatironna hixamanyine nabbawa hasiissannonkehu mayiraatiro kultanno.”

Baqqi Yiiyye! Birra

“Hanni mitte xaꞌmo xaꞌmeemmohe: Hakkeyi geeshsha dureeyye ikka hoongummoro nafa, noonkerinni kassi yine heeꞌra dandiineemmoha lawannohe? [Dawaro qola geeshsha agari.] Hanni Qullaawu Maxaafi yaannota lai. [1 Ximootewosi 6:8 nabbawi.] Tini metseete maalaamittete coyira quwa saꞌneemmokki gede dancha amaale uyitannonke; qolteno woxunni hidhine anfannikkiha sase muxxe ikkino coye kultannonke.”