Lawishsha Ikkannoha Hasaawu Bitima
Huluullitannonke Xaꞌmuwara Dawaro Afiꞌra Dandiineemmohu Hiikkiinniiti?
Qaete annira tiraaktete birxicho leellishshanni togo yii: “Keereho? Techo alame woꞌmate tenne lowo geeshsha hasiissanno sokka amaddino tiraakte tuqinsanni heeꞌnoommo. Tenne atera uyinammoheraati.”
Tiraakte mannu nookki qaera worattoha ikkiro, doogaanchu afannokki gede assite wori; hattono tiraakte hasiisikki duuchawa ertooti.
Qaete anni hasatto noosita leellishiro woy hasaawa hasiꞌriha ikkiro, aaniidi qoolira noota addi addi doorsha afidhino xaꞌmo leellishshe hedosi xaꞌma dandaatto. Tiraakte fante Faarso 119:144, 160 yitannore leellishisi. Hattono tini tiraakte Qullaawu Maxaafi giddonni gari dawaro afiꞌranno gede kaaꞌlitannosi webisayite daafira xawissannota kulisi. Miteekkite Qullaawa Maxaafa Xiinxalla Hasiissannonkehu Mayiraati? yitanno viidiyo leellishattosira dandaatto. Agurte haꞌrattora albaanni, tiraaktete badhiidi qoolira noota sase xaꞌmuwa leellishshesi, isi roore hiittee xaꞌmo dawaro afa hasiꞌrannoro xaꞌmi. Hatte xaꞌmora jw.org horoonsiꞌre Qullaawu Maxaafi giddonni dawaro afiꞌranno gara leellishattosi gede dinye amadi. Galagaltine xaaddinanni wote webisayitenke aana, QULLAAWU MAXAAFI ROSIISANNORE yaannohu hunda QULLAAWU MAXAAFI XAꞌMONNA DAWARO yaanno birxicho fanteenna xaꞌmosi dawaro hasaabbe.
Qoleno qoqqowu gambooshshiha koyishshu woraqata tuqissinanni heedhinoonniha ikkiro, qaete annira koyishshu woraqati ledo tiraakte uyite kaꞌe togo yaa dandaatto: “Kuni koyishshu woraqati muli barra heeꞌrannonke gambooshshi daafira kulannoho; hakkoye gambooshshe mannu baalunku daa dandaanno.”
Agarooshshu Shae Woxawaajje 1
Qidaamenna Sambata hasiisanno wote Agarooshshu Shae elate togo yii: “Muli barra fultino metseettankeno uyinohe? Tini Agarooshshu Shae Maganoho Ateri Dhiwannosi? yitanno xaꞌmora dawaro qoltanno.”
Baqqi Yiiyye! Woxawaajje
Qidaamenna Sambata hasiisanno wote Baqqi Yiiyye! yitanno metseete elate togo yii: “Muli barra fultino metseettankeno uyinohe? Tini Baqqi Yiiyye! yitanno metseete Araarama Dandiinannihu Hiittoonniiti? yitanno xaꞌmora dawaro qoltanno.”