Soqqanshonke Isilanchimma Woyyeessiꞌra—Daddalu Basera Farciꞌra

Hasiissannohu Mayiraati? Batinyu manni daddaꞌlanno bayicho seeda yanna keeshshanno daafira, insara Maganu Mangiste sokka farciꞌrate woyyitanno doogo daddalu base haꞌne farciꞌrate. Daddalu basera soqqama hagiirsiissannotenna dancha guma abbitannote; daddalaano insawa maranno manna dambanyinsa gede assite laꞌanno daafira shaqqillunni coyishshiishshanno; qoleno hakko marre insa dihoonganni. Halashshaano dancha gede soqqamate coye heeshshi gotti assite laꞌꞌa hattono dancha gede uddiꞌranna seesa hasiissannonsa. (2 Qor. 6:3) Konni daafira soqqanshote aliidi laꞌꞌaanchi daddalu basera mamoote soqqama hasiissannoronna ayeoo soqqantannoro qineessanno.